Ind Vs SL T20 Siries: नववर्षाच्या सुरूवातीलाच भारत आणि श्रीलंका संघ एकमेकांशी भिडणार आहेत. भारत दौऱ्यावर आलेला श्रीलंका संघ तीन टी ट्वेंटी आणि तीन एकदिवसीय सामने खेळणार आहे. यंदा होणाऱ्या वनडे वर्ल्डकपच्या दृष्टीने टीम इंडियासाठी ही मालिका महत्वाची ठरणार आहे. ज्यामध्ये वर्षाची विजयी सुरूवात करण्यास भारतीय संघ आग्रही असेल.

या मालिकेची सुरूवात तीन जानेवारीपासून टी ट्वेंटी सामन्याने होणार आहे. पाहूया या पहिल्या टी ट्वेंटी सामन्यातील भारत आणि श्रींलंकेचा संभाव्य संघ.

भारत आणि श्रीलंका संघामध्ये होणाऱ्या टी ट्वेंटी मालिकेसाठी भारतीय संघाची धुरा हार्दिक पांड्याकडे देण्यात आली आहे. संघातील अनुभवी खेळाडू विराट कोहली, रोहित शर्मा यांना या टी ट्वेंटी मालिकेसाठी विश्रांती देण्यात आली आहे.

भारत - श्रीलंका टी ट्वेंटी रेकॉर्ड-

भारत आणि श्रीलंका संघात आत्तापर्यंत ९ टी ट्वेंटी मालिका खेळल्या गेल्या आहेत. ज्यामध्ये टी इंडियाचे रेकॉर्ड जबरदस्त राहिले आहेत. या मालिकांमध्ये श्रीलंका संघाने आत्तापर्यंत भारतात एकही टी ट्वेंटी मालिका जिंकली नाही. या ९ टी ट्वेंटी मालिकांमध्ये भारताने सात मालिका जिंकल्या आहेत तर श्रीलंका संघाने फक्त एकदाच मालिका जिंकण्याची किमया केली आहे. यामधील उर्वरित एक मालिका अनिर्णित राहिली आहे.

खेळपट्टी कशी असेल- भारत आणि श्रीलंका संघात खेळला जाणारा पहिला टी ट्वेंटी सामना मुंबईच्या वानखेडे मैदानावर खेळवला जाणार आहे. या खेळपट्टीचे वैशिष्ट्य म्हणजे फलंदाजांसाठी ही खेळपट्टी अनुकूल आहे. चेंडू पडल्यानंतर थेट बॅटवर येतो त्यामुळे फलंदाजी करणे सोपे होते. त्याचबरोबर ही खेळपट्टी वेगवान गोलंदाजांसाठीही अनुकूल आहे.

संभाव्य भारतीय संघ- हार्दिक पांड्या (कर्णधार) , ईशान किशन (विकेटकीपर) , संजू सॅमसन, सुर्यकूमार यादव, शुभमन गील, वॉशिंग्टन सुंदर, अक्षर पटेल, अर्शदीप सिंग, उमरान मलिक (Indian Cricket Team)

श्रीलंका संघ- दासुन शनाका (कर्णधार), पाथुम निसांका, कुसल मेंडिस (विकेटकिपर) , अविष्का फरनांडो, चरित असलंका, भानुका राजपक्षे, वानिंदु हसरंगा, चमिका करुणारत्ने, महेश थीक्षणा, लाहिरु कुमारा, दिलशान मदुशंका