Ind vs NZ T20 Series: भारत आणि न्यूझीलंड यांच्यामध्ये सध्या टी ट्वेंटी मालिका सुरू आहे. दुसऱ्या सामन्यातील अटीतटीच्या लढतीत विजय मिळवत टीम इंडियाने मालिकेत १-१ अशी बरोबरी साधली आहे. आता उद्या या मालिकेतील शेवटचा आणि निर्णायक सामना रंगणार आहे.

त्याआधी दुसऱ्या टी ट्वेंटी सामन्यात लखनौच्या खेळपट्टीवरुन बराच वाद निर्माण झाला होता. हे पीच टी ट्वेंटीसाठी योग्य नव्हते असे म्हणत हार्दिक पांड्याने (Hardik Pandya) नाराजी व्यक्त केली होती. हार्दिकच्या या वक्तत्यानंतर पीच क्युरेटरला नोकरी गमवावी लागली आहे.

याबाबत अधिक माहिती अशी की, हार्दिकच्या वक्तव्यानंतर लखनौच्या पीचवरुन वाद सुरु झाला. त्या संदर्भात एक मोठी अपडेट आहे. पीच क्यूरेटर सुरेंद्र कुमार यांना हटवण्यात आलं आहे. ते आता मेन ग्राऊंडच काम पाहणार नाहीत. त्यांच्याजागी संजीव अग्रवाल आता लखनौचे नवीन पीच क्यूरेटर असतील.

IPL साठी इकाना स्टेडियममधील नऊ पीचेस संजीव अग्रवाल यांच्या देखरेखीखाली बनवण्यात येतील.

क्युरेटरने मॅचसाठी दोन प्रकारच्या काळ्या खेळपट्टया एडवान्समध्ये बनवून ठेवल्या होत्या. भारतीय टीम मॅनेजमेंटने शेवटच्या क्षणी लाल पीचची डिमांड केली. त्याला फ्रेश लाल पीच बनवायला सांगितलं. अशा परिस्थितीत जी नवीन खेळपट्टी बनवली, ती चांगल्या दर्जाची विकेट नव्हती. T20 क्रिकेटसाठी ही परफेक्ट विकेट नव्हती.

दरम्यान, या शेवटच्या सामन्यात न्यूझीलंडने अवघ्या ९९ धावा केल्या होत्या. त्यामुळे टीम इंडियासमोर अवघ्या १०० धावांचे लक्ष होते. मात्र तरीही भारतीय फलंदाजांना या धावा करणे कठीण झाले होते. सामन्यात भारतीय संघाने एक चेंडू बाकी असताना सहा गडी राखून विजय मिळवला. (Indian Cricket Team)