संजू सॅमसनच्या विस्फोटक फलंदाजीच्या जोरावर भारतीय संघाने वेस्ट इंडिजचा ५ विकेटने पराभव केला. या विजयासह भारतीय संघाने उपांत्य फेरीचे तिकिट निश्चित केले आहे. वेस्ट इंडिजचे उपांत्य फेरतील आव्हान संपुष्टात आले आहे. सुपर ८ फेरीमध्ये दक्षिण आफ्रिका, भारत हे दोन संघ अ गटातून उपांत्य फेरीमध्ये पोहचले आहेत. तर ब गटातून इंग्लंड आणि न्यूझीलंड या दोन संघांनी उपांत्य फेरीचे तिकिट मिळवले आहे. ४ मार्च आणि ५ मार्च रोजी उपांत्य फेरीचा सामना होणार आहे.

४ मार्च रोजी दक्षिण आफ्रिका आणि न्यूझीलंड यांच्यामध्ये पहिला उपांत्य फेरीचा सामना कोलकातामधील इडन गार्डन मैदानावर रंगणार आहे. तर ५ मार्च रोजी, भारत आणि इंग्लंड यांच्यामध्ये मुंबईतील वानखेडे स्टेडिअमवर दुसरा उपांत्य सामना होईल. उपांत्य फेरीतील विजेता संघ रविवारी, ८ मार्च रोजी अहमदाबाद येथील नरेंद्र मोदी स्टेडिअमवर विश्वचषकाच्या विजेतेपदासाठी लढणार आहेत.

सहाव्यांदा उपांत्य फेरीत -

२००७ मध्ये टी२० विश्वचषकाची दणक्यात सुरूवात झाली होती. तेव्हापासून २०२६ च्या विश्वचषकापर्यंत भारतीय संघ सहाव्यांदा उपांत्य फेरीत पोहचला आहे. टीम इंडियाने २ वेळा टी२० विश्वचषकावर नाव कोरले आहेत. तर २०१६ मध्ये भारतीय संघाला उपविजेतेपदावर समाधान मानावे लागले. २०२५ आणि २०१७ मध्ये भारताने टी२० विश्वचषक जेतेपदावर नाव कोरले.

संजू सॅमसनची निर्णायक खेळी -

वेस्ट इंडिजने प्रथम फलंदाजी करताना भारतीय संघापुढे १९६ धावांचे आव्हान दिले होते. प्रत्युत्तरदाखल भारतीय संघाने ५ विकेटच्या मोबदल्यात हे आव्हान पार केले. टी२० विश्वचषकात भारतीय संघाकडून १९६ ही सर्वाधिक धावांचा आव्हान पाठलाग केला. संजूसॅमसन याने मोक्याच्या सामन्यात ५० चेंडूत ९७ धावांचा डोंगर उभारला. संजू सॅमसन याने पहिल्या चेंडूपासून शेवटच्या चेंडूपर्यंत संयमी आणि आक्रमक फलंदाजी केली. संजू सॅमसन याने ४ षटकार आणि १२ चौकारांच्या मदतीने ९७ धावांची मॅच विनिंग खेळी केली.