India vs Afghanistan LIVE Score:

भारत आणि अफगाणिस्तान या दोन्ही संघांमध्ये वर्ल्डकप २०२३ स्पर्धेतील नववा सामना सुरू आहे. दिल्लीच्या अरूण जेटली स्टेडियमवर सुरू असलेल्या या सामन्यात अफगाणिस्तानने नाणेफेक जिंकून प्रथम फलंदाजी करण्याचा निर्णय घेतला आहे. अफगाणिस्तानने प्रथम फलंदाजी करताना ५० षटक अखेर २७२ धावा केल्या आहेत. तर भारतीय संघाला हा सामना जिंकण्यासाठी २७३ धावांची गरज आहे.

शाहिदी अन् उमरजाईने ठोकली अर्धशतकं..

या सामन्यात नाणेफेक जिंकून अफगाणिस्तानचा संघ प्रथम फलंदाजी करण्यासाठी आला होता. सलामीवीर फलंदाज रहमनुल्लाह गुरबाजने २१ तर इब्राहीम जदरानने २२ धावा केल्या. या दोघांनी ३२ धावांची भागीदारी केली. जसप्रीत बुमराहने ही जोडी तोडत अफगाणिस्तानला पहिला धक्का दिला. (Latest sports updates)

अफगाणिस्तानकडून कर्णधार हशमतुल्लाह शाहिदीने ८८ चेंडूंचा सामना करत सर्वाधिक ८० धावांची खेळी केली.या खेळीदरम्यान त्याने ८ चौकार आणि १ षटकार मारला. तर अजमतुल्लाह उमरजाईने ६९ चेंडूंचा सामना करत ६२ धावांची खेळी केली. या खेळीदरम्यान त्याने २ चौकार आणि ४ षटकार मारले. तर भारतीय संघाकडून गोलंदाजी करताना जसप्रीत बुमराहने ४ गडी बाद केले आहेत.