भारत विरुद्ध अफगाणिस्तान मालिकेतील तिसरा टी-२० सामना बेंगळुरुच्या एम चिन्नास्वामी स्टेडियमवर सुरु आहे. या सामन्यात टीम इंडियाने नाणेफेक जिंकून प्रथम फलंदाजीचा निर्णय घेतला. अफगाणिस्तानविरुद्ध सामन्यात कर्णधार रोहित शर्माने तुफानी शतक ठोकलं. रोहित शर्माच्या शतकी खेळीच्या जोरावर टीम इंडियाने अफगाणिस्तानला 213 धावांचं आव्हान दिलं आहे. (Latest Marathi News)
टीम इंडियाने प्रथम फलंदाजी करताना २० षटकात चार गडी गमावून २१२ धावा ठोकल्या. या सामन्यात रोहित शर्माने वादळी शतक ठोकलं. रोहितने ६९ चेंडूत ११ चौकार आणि ८ षटकारांच्या मदतीने नाबाद १२१ धावा केल्या. तर रिंकूने ३९ चेंडूत २ चौकार आणि ६ षटकारांच्या मदतीने ६९ धावा केल्या. रोहित आणि रिंकूने पाचव्या विकेटसाठी १९० धावांची नाबाद भागीदारी केली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
भारताने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना भारताची सुरुवात खराब झाली. विराट कोहली आणि संजू सॅमसनने शून्य धावांवर बाद झाले. यशस्वी जैयस्वालने ४ धावा केल्या. तर शिवम दुबेने १ धाव काढली. मात्र त्यानंतर रोहित आणि रिंकूने संघाचा डाव सावरला.
रोहित शर्माने पाचवे टी-२० आंतरराष्ट्रीय कारकिर्दीतील शतक ठोकलं. रोहितशिवाय आतापर्यंत टी-२० आंतरराष्ट्रीय कारकिर्दीत आतापर्यंत कोणालाही पाच शतक करणे जमलं नाही. रोहितने अफगाणिस्तानविरुद्ध टी20 आंतरराष्ट्रीय कारकिर्दीतील पाचवे शतक ठोकत इतिहास रचला आहे. रोहितने तुफानी फटकेबाजी करत अफगाणिस्तानच्या गोलंदाजांची पिसे काढली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.