IND vs SL 2nd T20: दुसऱ्या टी 20 सामन्यात श्रीलंकेच्या संघाने प्रथम फलंदाजी करत भारतासमोर २०७ धावांचे मोठे लक्ष्य ठेवले आहे. या सामन्यात श्रीलंकेच्या संघाने शानदार सुरुवात केली. यानंतर मधल्या षटकांमध्ये श्रीलंकेचा (Srilanka)  डाव गडगडला.

श्रीलंकेकडून कर्णधार दाशून शनाकाने 22 चेंडूत नाबाद 56 धावांची धडाकेबाज खेळी केली. याआधी भारतीय कर्णधार हार्दिक पंड्याने नाणेफेक जिंकून प्रथम गोलंदाजी करण्याचा निर्णय घेतला. या सामन्यातून राहुल त्रिपाठी आंतरराष्ट्रीय टी-२० क्रिकेटमध्ये पदार्पण करत आहे.  (Indian Cricket Team)

अखेर शेवटी कर्णधार दासुन शनाकाने आक्रमक फलंदाजी करत संघाची धावसंख्या 206 धावांपर्यंत नेली. श्रीलंकेकडून कुशल मेंडिस आणि दासुन शनाका यांनी अर्धशतके झळकावली. भारताकडून उमरान मलिकने दोन बळी घेतले.

श्रीलंकेचा संघ चांगल्या ओपनिंग पार्टनरशीपनंतर डगमगताना दिसता. यादरम्यान एकापाठोपाठ विकेट्स पडल्या. पण कर्णधार शनाकाने संयमी खेळी करत संघाची धावसंख्या 200 धावांच्या पुढे नेली. दरम्यान सलामीवीर पथुम निशांकने 35 चेंडूत 33 धावा केल्या. तर कुसल मेंडिसने 31 चेंडूत 52 धावांची धडाकेबाज खेळी केली.

कर्णधार दशून शनाकाशिवाय चरिथ अस्लंकाने 19 चेंडूत 37 धावांची खेळी खेळली. भारताकडून उमरान मलिकने सर्वाधिक ३ विकेट घेतल्या. तर अक्षर पटेलने 4 षटकात 24 धावा देत 2 बळी घेतले. याशिवाय युझवेंद्र चहल आणि उमरान मलिक यांना 1-1 यश मिळाले.