IND vs SA T20I Series: भारताला न्यूझीलंडविरुद्ध झालेल्या कसोटी मालिकेत ३-० ने दारुण पराभवाचा सामना करावा लागला आहे. या विजयासह न्यूझीलंडने इतिहास रचला आहे. यापूर्वी न्यूझीलंडने भारतात कधीच कसोटी मालिका जिंकली नव्हती.

आता कसोटी मालिकेतील पराभव विसरून भारतीय संघ न्यूझीलंडविरुद्धची टी -२० मालिका खेळण्यासाठी मैदानात उतरणार आहे. ८ नोव्हेंबरला ४ टी -२० मालिकेतील पहिला सामना रंगणार आहे. या मालिकेसाठी युवा खेळाडूंना भारतीय संघात स्थान देण्यात आलं आहे. दरम्यान एक स्टार खेळाडू असा देखील आहे, जो हार्दिक पंड्याचं टेन्शन वाढवू शकतो.

काही दिवसांपूर्वीच एमर्जिंग आशिया कप स्पर्धेचा थरार पार पडला. या स्पर्धेत भारतीय संघाला सेमीफायलमधून बाहेर पडावं लागलं. मात्र फायनलमध्ये पोहचवण्यात रमनदीप सिंगने मोलाची भूमिका बजावली.

त्याच्या अष्टपैलू कामगिरीच्या बळावर भारताने सेमीफायनल गाठली होती. याच दमदार कामगिरीच्या बळावर त्याची भारतीय संघात निवड करण्यात आली आहे. सेमीफायनलच्या सामन्यात जेव्हा अभिषेक शर्मा आणि तिलक वर्मासारखे फलंदाज अडखळले त्यावेळी रमनदीप भिंतीसारखा उभा होता.

भारतीय संघाला अफगाणिस्तानविरुद्धचा सामना गमवावा लागला होता. मात्र त्याने आपल्या कामगिरीने सर्वांचं लक्ष वेधून घेतलं होतं. या सामन्यात त्याने ६४ धावांची शानदार खेळी केली होती. मात्र भारताला विजय मिळवता आला नव्हता.

ताबडतोब फटकेबाजीसाठी प्रसिद्ध असलेला रमनदीप सिंग वेगवान गोलंदाजीसाठी देखील ओळखला जातो. त्यामुळे तो हार्दिकसाठी बेस्ट ऑप्शन ठरू शकतो. एमर्जिंग एशिया कप स्पर्धेत त्याने गोलंदाजी करताना ४ सामन्यांमध्ये ३ गडी बाद केले होते. तर फलंदाजी करताना त्याने ९४ धावा कुटल्या होत्या.