Mohammad Rizwan Viral Photo : चॅम्पियन्स ट्रॉफीमध्ये भारत विरुद्ध पाकिस्तान हा महामुकाबला खेळला जात आहे. पाकिस्तानचा कर्णधार मोहम्मद रिझवानने टॉस जिंकला आणि प्रथम फलंदाजी करण्याचा निर्णय घेतला. पुढे पाकिस्तानचे दोन्ही सलामीवीर मैदानात उतरले. सामन्याला सुरुवात झाल्यानंतर रिझवान हातात जपमाळ घेऊन काहीतरी करत असल्याचे पाहायला मिळाले.

बाबर आझम आणि इमाम उल हक या दोन्ही सलामीवीरांना पाकिस्तानची चांगली सुरुवात केली. आठव्या षटकामध्ये हार्दिक पंड्याने टाकलेल्या चेंडूला फटका मारत असताना बाबर आझम बाद झाला. केएल राहुलने त्याचा झेल घेतला. लगेचच नवव्या षटकामध्ये अक्षर पटेलने इमाम उल हकला धावचीत केले. सलग सलामीवीर तंबूत गेल्यानंतर कर्णधार रिझवान मैदानात उतरला.

सामन्याच्या सुरुवातीला जेव्हा मोहम्मद शमी गोलंदाजी करत होता, त्यावेळेस कॅमेरामॅनने मोहम्मद रिझवानकडे कॅमेरा वळवला. तेव्हा रिझवान हातात जपमाळ प्रमाणे काहीतरी घेऊन प्रार्थना करत असल्याचे पाहायला मिळाले. दरम्यान समालोचन करणाऱ्या वहाब रियाजने याबद्दलचे स्पष्टीकरण दिले. रिझवान हा कलमा पठण करत असल्याचे वहाब रियाजने सांगितले.

पाकिस्तानच्या कर्णधाराचा हा फोटो व्हायरल झाला आहे. हा व्हिडीओ वापरुन नेटकऱ्यांनी अनेक मीम्स बनवले आहेत. व्हायरल फोटोवर नेटकरी कमेंट्स करत आहेत. काहींनी आजचा सामना जिंकण्यासाठी मोहम्मद रिझवान जादूटोणा करत असल्याचे म्हटले आहे. आधीही मोहम्मद रिझवानचे फोटो, व्हिडीओ व्हायरल झाले आहेत.