Ind Vs NZ Final Match : चॅम्पियन्स ट्रॉफी २०२५ च्या अंतिम सामन्याला काही वेळात सुरुवात होणार आहे. भारत आणि न्यूझीलंड यांच्यामध्ये हा हायवॉल्टेज सामना खेळला जाणार आहे. टीम इंडिया दुसऱ्यांदा चॅम्पियन्स ट्रॉफी जिंकण्यापासून फक्त एक पाऊल दूर आहे. दरम्यान आजचा सामना कोण जिंकणार याकडे सर्वांचे लक्ष लागले आहे.

भारताने चॅम्पियन्स ट्रॉफी २०२५ मध्ये उत्कृष्ट खेळ केला आहे. रोहित शर्माच्या नेतृत्वाखाली टीम इंडियाने बांगलादेश, पाकिस्तान आणि न्यूझीलंडचा पराभव केला. उपांत्य फेरीमध्ये भारताने बलाढ्य ऑस्ट्रेलियाला धूळ चारली. दुसऱ्या बाजूला न्यूझीलंडचा संघ देखील स्पर्धेमध्ये चांगल्या फॉर्ममध्ये आहे. उपांत्य फेरीमध्ये त्यांनी दक्षिण आफ्रिकावर मात मिळवली.

दरम्यान चॅम्पियन्स ट्रॉफीचा अंतिम सामना सुरु होण्यापूर्वी विजयाचे संकेत गुगलद्वारे देण्यात आले आहेत. भारत आणि न्यूझीलंड दोन्ही संघ सरस असले तरी, आजच्या सामन्यामध्ये भारताचे पारडे जड असल्याचे गुगलने म्हटले आहे. गुगलनुसार, भारत चॅम्पियन बनण्याची शक्यता ६८ टक्के आहे. तरी न्यूझीलंडचा विजय होण्याची शक्यता ३२ टक्के आहे.

भारताने संपूर्ण स्पर्धेमध्ये प्लेईंग ११ मध्ये फारसा बदल केला नाही. हर्षित राणाच्या जागी रोहितने वरुण चक्रवर्तीला खेळवले. हा एकमात्र बदल भारताच्या प्लेईंग ११ मध्ये करण्यात आला. आजच्या सामन्यामध्येही प्लेईंग ११ मध्ये बदल केला जाणार नाही असा अंदाज वर्तवला जात आहे. लवकरच सामन्याला सुरुवात होईल.