भारत आणि न्युझीलंडच्या संघात कसोटी सामन्याची मालिका खेळली जात आहे. दुसरा कसोटी सामना पुण्यात खेळला जात आहे. पुण्यातील महाराष्ट्र क्रिकेट असोसिएशन मैदानावर हा कसोटी सामना होत आहे. दुसऱ्या कसोटीचा पहिला दिवसा भारताच्या नावावर राहिला. भारताने न्युझीलंडच्या संघाला २५९ धावांमध्ये गुंडाळलं. भारताच्या वॉशिंग्टन सुंदरने ७ विकेट आणि आर अश्विनने ३ विकेट घेतल्या. त्यानंतर मैदानात उतरलेल्या भारतीय संघाने १६ धावा केल्यात पण एक विकेटदेखील गमावलीय.

न्युझीलंडने प्रथम फलंदाजी करताना २५९ धावा केल्या. न्युझीलंडकडून सर्वात जास्त धावा डेवोन कॉनवेने केल्या. त्याने ७६ धावांची खेळी केली. त्यानंतर रचिन रविंद्रने ६५ धावा केल्या. या डावात वॉशिंग्टन सुंदर भारताकडून सर्वात यशस्वी गोलंदाज ठरला. त्याने एकूण ७ विकेट घेतल्या. तर अश्विननेदेखील ३ विकेट घेतल्या. न्युझीलंडचा डाव आटोपल्यानंतर टीम इंडिया मैदानात उतरली होती. त्यावेळी भारतीय संघाची सुरुवात तशी चांगली झाली नाही. रोहित शर्मा खाते न उघडताच तंबूत परतला. भारताने आपली पहिली विकेट अवघ्या १ धाव संख्येवर गमावली.