कोलकाताच्या ईडन गार्डन्सच्या मैदानावर भारत आणि इंग्लंड यांच्यातील ५ टी-२० सामन्यांच्या मालिकेतील पहिला सामना रंगणार आहे. या सामन्यासाठी इंग्लंडने २४ तासांपूर्वीच भारतीय संघाच्या प्लेइंग ११ची घोषणा केली आहे. या सामन्यात फिल सॉल्ट आणि बेन डकेट ही जोडी सलामीला फलंदाजी करण्यासाठी मैदानात येणार आहे. तर कर्णधार जोस बटलर तिसऱ्या क्रमांकावर फलंदाजी करण्यासाठी मैदानात येणार आहे.

या संघातील गोलंदाजी आक्रमणाबद्दल बोलायचं झालं,तर ,मार्क वूड आणि जोफ्रा आर्चर हे वेगवान गोलंदाजी आक्रमणाचं नेतृत्व करताना दिसून येणार आहेत. वूड दुखापतीमुळे गेली काही महिने संघाबाहेर होता.

मात्र आता त्याला कमबॅक करण्याची संधी देण्यात आली आहे. यासह हॅरी ब्रुकची उपकर्णधार म्हणून निवड करण्यात आली आहे. या सामन्यासाठी अष्टपैलू खेळाडू म्हणून, जेमी ओवर्टन , गस एटकिंसन, जेकब बेथेल आणि लियाम लिविंगस्टन यांना संधी देण्यात आली आहे. हे सर्व खेळाडू गोलंदाजीसह फलंदाजीतही योगदान देऊ शकतात. यासह फिरकी गोलंदाज म्हणून आदिल राशिदला प्लेइंग ११ मध्ये स्थान देण्यात आले आहे.

भारतीय संघाविरुद्ध होणाऱ्या पहिल्या टी-२० सामन्यासाठी अशी आहे इंग्लंडची प्लेइंग ११:

बेन डकेट, फिल सॉल्ट, जोस बटलर (कर्णधार),हॅरी ब्रूक, लियाम लिविंगस्टन, जेकब बेथेल, जेमी ओवर्टन, गस एटकिंसन, जोफ्रा आर्चर, आदिल रशीद, मार्क वुड.

या मालिकेसाठी असा आहे इंग्लंडचा संघ:

जोस बटलर (कर्णधार), रेहान अहमद, जोफ्रा आर्चर, गस एटकिंसन, जेकब बेथेल, हॅरी ब्रूक, ब्रायडन कार्स, बेन डकेट, जेमी ओवरटन, जेमी स्मिथ, लियाम लिविंगस्टन, आदिल रशीद, साकिब महमूद, फिल सॉल्ट, मार्क वुड

या मालिकेसाठी असा आहे भारताचा संघ:

सूर्यकुमार यादव (कप्तान), संजू सैमसन, अभिषेक शर्मा, तिलक वर्मा, नितीश रेड्डी, मोहम्मद शमी, अर्शदीप सिंह, हर्षित राणा, ध्रुव जुरेल, रिंकू सिंह, हार्दिक पंड्या, अक्षर पटेल, रवि बिश्नोई, वरुण चक्रवर्ती और वाशिंगटन सुंदर।