कसोटी सामन्यात वेस्ट इंडिजला आणि पाकिस्तानला पराभूत करत ९ व्यावेळी आशिया कप जिंकणारा भारतीय संघ आता ऑस्ट्रेलिया दौऱ्यावर आहे. येथे तीन एकदिवशी सामन्यांची मालिका दोन्ही देशातील संघ खेळणार आहे. या मालिकेतील पहिला सामना आज पार्थ स्टेडियमवर होत आहे.

भारतीय वेळीनुसार, ऑस्ट्रेलियाविरुद्धचा सामना हा सकाळी ९ वाजता सुरू झाला. दरम्यान या सामन्यांसाठी भारतीय संघात विराट कोहली आणि रोहित शर्माचे पुनरागमन झाले आहे. त्यामुळे क्रिकेट रसिक ही मालिका पाहण्यासाठी उत्सुक आहेत. त्यात आज रविवारी पहिला सामना होतोय.

भारतीय वेळेनुसार, सकाळी ९ वाजता हा सामना सुरू झाला. तसं पाहिलं तर रविवार हा सुट्टीचा दिवस. सुट्टीच्या दिवशी बहुतेकजण उशिराने उठतात. आज भारत ऑस्ट्रेलियाचा सामना असल्यानं क्रिकेट रसिक लवकर उठले. त्यात विराट कोहली आणि रोहित शर्मा यांचा खेळ पाहणं हे रसिकांसाठी पर्वणी होती. पण काहीच वेळात त्यांचा भ्रमनिरास झाला.

फराळ आणि चहाचा आस्वाद घेत क्रिकेट रसिक भारत-ऑस्ट्रेलियाचा सामना पाहू लागले. पण विराट आणि रोहितचा खराब खेळ पाहून चाहते नाराज झालेत. अनेकांनी सोशल मीडियावर त्यांना ट्रोल करू लागले.

ऑस्ट्रेलिया दौऱ्यात भारतीय फलंदाजांची सुरुवात चांगली झाली नाही. विराट कोहली, रोहित शर्मा आणि नवीन कर्णधार शुबमन गिल यांच्याकडून मोठ्या खेळीची अपेक्षा होती, परंतु तिघांनीही निराशा केली. पर्थमधील एकदिवसीय मालिकेतील पहिल्याच सामन्यात, टीम इंडियाचा टॉप ऑर्डर इतका खराब झाला की त्याने आपल्याला ६ वर्षांपूर्वीच्या सामन्याची आठवण करून दिली.

टीम इंडियाने अवघ्या २५ धावांवर तीन विकेट गमावल्या होत्या. याची सुरुवात रोहित शर्मापासून झाली. रोहित सात महिन्यानंतर मैदानावर उतरला होता. परंतु त्याचे पुनरामन चांगले राहिले नाही. तो फक्त ८ धावा बनवू शकला. विराट कोहलीनेही आंतरराष्ट्रीय क्रिकेटमध्ये पुनरागमन केलं. कोहलीनेही चाहत्यांना निराश केले. चाहत्यांना कोहलीकडून मोठ्या खेळीची अपेक्षा होती, परंतु या स्टार फलंदाजाला या सामन्यात आपले खातेही उघडता आले नाही. तो फक्त ० धावांवर बाद झाला.