ICC अध्यक्ष पदासाठी बीसीसीआयचे अध्यक्ष सौरव गांगुली आणि बीसीसीआयचे सचिव जय शहा आमने सामने असणार आहेत. टेलीग्राफच्या एका रिपोर्टनुसार सौरव गांगुली (Sourav Ganguly) आणि जय शहा (Jay Shah) दोघेही आयसीसीचे अध्यक्ष होण्यासाठी इच्छूक असल्याची माहिती समोर आली आहे. आयसीसीचे सध्याचे अध्यक्ष ग्रेग बार्कले यांनी आपला कार्यकाळ पुढे चालू ठेवण्यासा इच्छूक नसल्याचं सांगितले आहे. त्यामुळे आता जय शहा आणि सौरव गांगुली यांच्या शर्यच सुरु झाली आहे.

टेलीग्राफमध्ये असाही दावा केला आहे की सौरव गांगुली आणि जय शहा आयसीसीचे अध्यक्ष पदाच्या शर्यतीत सर्वात आघाडीवर आहेत. अगोदर अशा बातम्या आल्या होत्या की २०२३ च्या विश्वचषकादरम्यान बीसीसीआयची इच्छा आहे की आयसीसीचा पुढचा अध्यक्ष भारतीय असावा. महत्त्वाची गोष्ट म्हणजे २०११ मध्ये भारताने ज्यावेळी विश्वचषक जिंकला होता त्यावेळी शरद पवार आयसीसीचे अध्यक्ष होते. भारताने २०११ मध्ये विश्वचषक जिंकला होता. बीसीसीआय पुन्हा त्याच तयारीत दिसत आहे. २०२३ मध्ये पुन्हा एकदा विश्वचषक भारतात होणार आहे. त्यामुळेच बीसीसीआयला आयसीसीचा अध्यक्ष भारतीय हवा आहे.

नियमांनुसार, आयसीसी अध्यक्षाची नियुक्ती दोन वर्षांच्या कालावधीसाठी केली जाते, जी सहा वर्षांपेक्षा जास्त वाढविली जाऊ शकत नाही. सध्या ग्रेग बार्कले हे ICC चे अध्यक्ष आहेत, ज्यांनी डिसेंबर २०२० मध्ये पदभार स्वीकारला होता. ते ऑकलंड येथील व्यावसायिक सल्लागार आहे, न्यूझीलंड आणि ऑस्ट्रेलियन कंपन्यांमध्ये ते काम करतात. रिपोर्टनुसार, त्यांची व्यावसायिक बांधिलकी पाहता, बार्कले यांनी त्यांचा कार्यकाळ वाढवण्यास नकार दिला आहे. त्यामुळे आयसीसी नोव्हेंबर २०२२ मध्ये नवीन अध्यक्ष पदाचा चेहरा पाहायला मिळू शकतो.

Edited By: Pravin Dhamale