Reason Behind Gujarat Titans Defeat:

गुजरात टायटन्स आणि पंजाब किंग्ज (GT vs PBKS) या दोन्ही संघांमध्ये झालेल्या सामन्यादरम्यान गुजरात टायटन्स संघाला घरच्या मैदानावर पराभूत व्हावं लागलं आहे. गुजरातने प्रथम फलंदाजी करताना १९९ धावा केल्या होत्या. २०० धावांचा पाठलाग करताना पंजाबकडून युवा फलंदाज शशांक सिंग आणि आशुतोष शर्माची बॅट चांगलीच तळपली. शशांक सिंगने फलंदाजी करताना २९ चेंडूत ६१ धावा काढल्या. तर आशुतोष शर्माने १७ चेंडूत ३१ धावा चोपल्या. या विस्फोटक खेळी दरम्यान त्याने १ चौकार आणि ३ षटकार मारले.

एक चूक गुजरातला नडली?

या सामन्यात २०० धावांचा पाठलाग करत असलेल्या पंजाब किंग्ज संघाला विजयासाठी १२ चेंडूत २५ धावांची गरज होती. त्यावेळी १९ वे षटक टाकण्यासाठी मोहित शर्मा गोलंदाजीला आला. शेवटचे षटक टाकण्यात तरबेज असलेला मोहित शर्माने या षटकात एक मोठी चूक केली. त्याने या षटकात १८ धावा खर्च केल्या. (Cricket news in marathi)

या निर्णायक षटकात १८ धावा खर्च केल्यानंतर पंजाबच्या विजयाचा मार्ग मोकळा झाला. पंजाबला शेवटच्या षटकात विजयासाठी केवळ ७ धावा शिल्लक राहिल्या. हे आव्हान सहजरीत्या पार करत पंजाब किंग्जने हा सामना ७ गडी राखून जिंकला. या सामन्यात मोहित शर्माने ४ षटक टाकत ३८ धावा खर्च केल्या.

या सामन्यात गुजरात टायटन्स संघाने चांगली फलंदाजी तर चांगली केली. मात्र क्षेत्ररक्षणात काही चुका केल्या. सामन्यानंतर शुभमन गिलनेही हेच सांगितलं. गुजरातच्या क्षेत्ररक्षकांनी या सामन्यात कमीत कमी ३ झेल सोडले. या सामन्यानंतर बोलताना गिल म्हणाला की, ' १५ व्या षटकापर्यंत आम्ही सामन्यात होतो. खेळाडू जेव्हा झेल सोडतात तेव्हा नक्कीच संघाच्या अडचणी वाढतात.'