IPL 2023: आयपीएल २०२३ स्पर्धेत आज डबल डेकर सामन्यांचा थरार रंगणार आहे. पहिल्या सामन्यात गुजरात टायटन्स आणि लखनऊ सुपर जायंट्स हे दोन्ही संघ आमने सामने येणार आहेत. या सामन्यात क्रुणाल पंड्या (Krunal Pandya) आणि हार्दिक पंड्या (Hardik Pandya) हे दोघे आमने सामने येणार आहेत. हार्दिक पंड्या गुजरात टायटन्स संघाचे नेतृत्व करताना दिसून येणार आहे.

तर क्रुणाल पंड्या लखनऊ सुपर जायंट्स संघाचे नेतृत्व करताना दिसून येणार आहे. आज दुपारी ३:३० वाजता अहमदाबादच्या नरेंद्र मोदी स्टेडियमवर हा सामना रंगणार आहे.

गुजरात टायटन्स संघाने गेल्या सामन्यात राजस्थान रॉयल्स संघावर जोरदार विजय मिळवला आहे. ज्यामुळे गुजरात टायटन्स संघाचा आत्मविश्वास वाढला आहे. तर लखनऊ सुपर जायंट्स संघाचा चेन्नई सुपर किंग्ज संघाविरुद्ध झालेला सामना पावसामुळे रद्द करण्यात आला होता.

गुजरातचा संघ १४ गुणांसह अव्वल स्थानी आहे. तर लखनऊचा संघ ११ गुणांसह दुसऱ्या स्थानी आहे. त्यामुळे या दोन्ही संघांमध्ये रोमांचक लढत पाहायला मिळू शकते. (Latest sports updates )

या सामन्यात हार्दिक पंड्या एकीकडून तर दुसरीकडून क्रुणाल पंड्या नेतृत्व करताना दिसून येणार आहे. आयपीएल स्पर्धेच्या इतिहासतात पहिल्यांदाच असं घडणार आहे की, दोन सख्खे भाऊ एकमेकांविरुद्ध नेतृत्व करताना दिसून येणार आहेत.

तसेच दोन्ही संघांच्या रेकॉर्डबद्दल बोलायचं झालं तर, दोन्ही संघ ३ वेळेस आमने समाने आले आहेत. या तीनही सामन्यांमध्ये गुजरात टायटन्स संघाने बाजी मारली आहे. तसेच आज होणाऱ्या सामन्यात पाऊस पडण्याची शक्यता नाहीच्या बरोबर असणार आहे. (GT vs LSG Weather Report)

अशी असू शकते दोन्ही संघांची संभावित प्लेइंग 11(GT vs LSG playing 11)

गुजरात टायटन्स - वृद्धिमान साहा (विकेटकीपर), हार्दिक पंड्या (कर्णधार), (कर्णधार), विजय शंकर, डेविड मिलर, अभिनव मनोहर, राहुल तेवतिया, राशिद खान, मोहित शर्मा, नूर अहमद, मोहम्मद शमी, जोशुआ लिटिल.

लखनऊ सुपर जायंट्स- काइल मेयर्स, मनन वोहरा, करण शर्मा, आयुष बदोनी, मार्कस स्टोइनिस, निकोलस पूरन (विकेटकीपर), क्रुणाल पंड्या (कर्णधार), के गौतम, नवीन-उल-हक, रवी बिश्नोई, मोहसीन खान