Salim Durani Death News: रविवारी (२ एप्रिल) भारतीय क्रिकेट चाहत्यांसाठी एक अतिशय वाईट बातमी समोर आली आहे.

भारतीय संघाचे माजी क्रिकेटपटू सलीम दुरानी यांनी वयाच्या ८८ व्या वर्षी अखेरचा श्वास घेतला आहे. कर्करोगाने त्रस्त असलेल्या सलीम दुरानी यांचे गुजरातच्या जामनगरमध्ये निधन झाले आहे.

सलीम दुरानी बद्दल बोलायचं झालं तर, ते पहिले भारतीय क्रिकेटपटू होते ज्यांना अर्जुन पुरस्काराने सन्मानित केले गेले होते. हा पुरस्कार त्यांना १९६० मध्ये देण्यात आला होता. तसेच त्यांच्या कारकिर्दीबद्दल बोलायचं झालं तर, त्यांनी भारतीय संघासाठी २९ सामने खेळले ज्यात त्यांनी १२०२ धावा केल्या होत्या. यादरम्यान त्यांनी १ शतक तर ७ अर्धशतके झळकावली होती. (Latest sports updates)

सलीम दुरानी यांचा जन्म ११ डिसेंबर १९३४ रोजी अफगाणिस्थानातील काबुल येथे झाला होता. जेव्हा ते केवळ ८ महिन्यांचे होते त्यावेळी त्यांचे कुटुंब पाकिस्तानमद्ये स्थलांतरित झाले होते. जेव्हा भारत आणि पाकिस्तान या दोन्ही देशांमध्ये वाटणी झाली तेव्हा ते भारतात राहायला आले होते.