आयपीएल २०२५ मध्ये दुसरा डबलहेडर आज ३० एप्रिल रोजी खेळला जाईल. आयपीएलचा १० वा सामना दिल्ली कॅपिटल्स आणि सनरायझर्स हैदराबाद यांच्यात खेळला जाईल. हा सामना भारतीय वेळेनुसार दुपारी ३:३० वाजता सुरू होईल तर नाणेफेक दुपारी ३ वाजता होईल. हा सामना विशाखापट्टणम येथील डॉ. वाय.एस. येथे राजशेखर रेड्डी एसीए-व्हीडीसीए क्रिकेट स्टेडियममध्ये येथे खेळला जाईल. दिल्ली कॅपिटल्सने पहिल्याच सामन्यात लखनऊ सुपर जायंट्सचा पराभव करून हंगामाची सुरुवात विजयाने केली.
सनरायझर्स हैदराबादने पहिल्या सामन्यात राजस्थान रॉयल्सचा पराभव केला. तर दुसऱ्या सामन्यात लखनौ सुपर जायंट्सने सनरायझर्स हैदराबादचा पराभव केला. या हंगामात विशाखापट्टणम हा दिल्ली कॅपिटल्ससाठी होम ग्राउंड असेल. पण या सामन्यात कशी असेल पिच, जाणून घ्या.
DC Vs SRH Pitch Report काय सांगते पिच रिपोर्ट?
विशाखापट्टणमची पिच फलंदाज आणि गोलंदाज दोघांसाठीही अनुकूल मानली जाते. या पिचवर फलंदाज आणि गोलंदाजांना दमदार कामिगिरी करण्याची समान संधी मिळू शकते. येथे फलंदाजी करणे काही प्रमाणात सोपी होऊ शकते. पण याशिवाय, वेगवान गोलंदाजांना या पिचवर मदत मिळू शकते. या पिचवर सुरुवातीच्या ओव्हरमध्ये वेगवान गोलंदाजांना खेळणे कठीण होऊ शकते.
विशाखापट्टणम स्टेडियमवर आतापर्यंत एकूण १६ सामने खेळले गेले आहेत. ज्यामध्ये लक्ष्याचा पाठलाग करणाऱ्या संघाने ८ वेळा विजय मिळवला आहे. या मैदानावर सर्वाधिक धावसंख्या करण्याचा विक्रम कोलकाता नाईट रायडर्सच्या नावावर आहे. कोलकाताने २०२४ मध्ये २७२ धावा केल्या. तर सर्वात कमी धावसंख्येचा विक्रम मुंबईच्या नावावर आहे. २०१६ मध्ये हैदराबादविरुद्ध खेळताना मुंबई इंडियन्सचा संपूर्ण संघ ९२ धावांवर बाद झाला होता.
IPL Points Table पॉईंट्स टेबल
सनरायजर्स हैदराबाद आणि दिल्ली कॅपिटल्स या दोन्ही संघानी प्रत्येकी एक सामना जिंकला आहे. या दोन्ही संघाचे २-२ समान गुण आहेत. आयपीएलच्या पॉईंट्स टेबलमध्ये दिल्ली कॅपिटल्स पाचव्या स्थानावर तर सनरायजर्स हैदराबाद सहाव्या स्थानावर आहे.
दिल्ली कॅपिटल्सचा
जेक फ्रेझर-मॅकगर्क, फाफ डू प्लेसिस, अभिषेक पोरेल (यष्टीरक्षक), केएल राहुल, अक्षर पटेल (कर्णधार), ट्रिस्टन स्टब्स, विप्रज निगम, मिचेल स्टार्क, कुलदीप यादव, मोहित शर्मा आणि मुकेश कुमार,आशुतोष शर्मा.
सनरायझर्स हैदराबाद
अभिषेक शर्मा, ट्रॅव्हिस हेड, इशान किशन, नितीश कुमार रेड्डी, हेनरिक क्लासेन (यष्टीरक्षक), अनिकेत वर्मा, पॅट कमिन्स (कर्णधार), सिमरजीत सिंग, राहुल चहर, मोहम्मद शमी आणि अॅडम झम्पा,सचिन बेबी/ अभिनव मनोहर
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.