IPL 2023 Chennai Super Kings: चेन्नई सुपर किंग्ज संघाचा कर्णधार एमएस धोनीने आपल्या नेतृत्वाखाली चेन्नई सुपर किंग्ज संघाला ४ वेळेस जेतेपद मिळवून दिले आहे.

शांत आणि संयमी कर्णधार म्हणून ओळखल्या जाणाऱ्या एमएस धोनीचा हा शेवटचा आयपीएल हंगाम असू शकतो.

त्यानंतर पुढील कर्णधार कोण? असा प्रश्न उपस्थित होत असताना भविष्यातील कर्धणार म्हणून संघातील एका दिग्गज खेळाडूचं नाव समोर येत आहे.

गतवर्षी जडेजाने केले होते संघाचे नेतृत्व..

गतवर्षी झालेल्या आयपीएल हंगामात रवींद्र जडेजाला चेन्नई संघाचे कर्णधारपद देण्यात आले होते. मात्र त्याला हवी तशी कामगिरी करता आली नव्हती. ८ पैकी केवळ २ सामन्यांमध्ये चेन्नईला विजय मिळवता आला होता.

तर ६ सामन्यांमध्ये पराभवाचा सामना करावा लागला होता. ही कामगिरी पाहता पुन्हा एकदा संघाची जबाबदारी एमएस धोनीकडे सोपवण्यात आली होती. (Latest sports updates)

धोनी नंतर हा खेळाडू होणार संघाचा कर्णधार..

चेन्नई सुपर किंग्ज संघातील ३१ वर्षीय अष्टपैलू खेळाडू बेन स्टोक्स हा कर्णधारपदासाठी प्रबळ दावेदार आहे. फलंदाजी आणि गोलंदाजीसह तो नेतृत्वाची जबाबदारी देखील योग्यरीत्या सांभाळू शकत.

त्याने १३ कसोटी सामन्यांमध्ये इंग्लड संघाचे नेतृत्व केले आहे. यादरम्यान केवळ ३ वेळेस इंग्लंड संघाला पराभवाचा सामना करावा लागला आहे.

इंग्लंडला २ वेळा जिंकून दिला वर्ल्ड कप..

इंग्लड संघाला २ वेळा वर्ल्ड कप जिंकून देण्यात बेन स्टोक्सने मोलाची भूमिका बजावली आहे. त्याने २०१९ वनडे वर्ल्ड कप आणि २०२२ टी -२० वर्ल्ड कप स्पर्धेच्या अंतिम सामन्यात महत्वाची खेळी करून इंग्लंडला अंतिम सामना जिंकून दिला होता.

आता चेन्नई सुपर किंग्ज संघाला देखील त्याच्याकडून चांगल्या कामगिरीची अपेक्षा असणार आहे.