Bangladesh Team Fined By ICC:

वर्ल्डकपच्या सातव्या सामन्यात इंग्लंड आणि बांगलादेश हे दोन्ही संघ आमने सामने आले होते. या सामन्यात बांगलादेशला १३७ धावांनी पराभवाचा सामना करावा लागला आहे. यासह गतविजेत्या इंग्लंडने २०२३ वर्ल्डकप स्पर्धेत विजयाचं खातं उघडलं आहे.

इंग्लंडसाठी हा पराभव एका वाईट स्वप्नापेक्षा कमी नव्हता. कारण या सामन्यात इंग्लंडच्या फलंदाजांनी बांगलादेशच्या गोलंदाजांची चांगलीच धुलाई केली. दरम्यान या पराभवानंतर बांगलादेशला आयसीसीने मोठा धक्का दिला आहे.

आयसीसीने केली मोठी कारवाई..

बांगलादेश विरूद्ध इंग्लंड यांच्यातील सामन्यात स्लो ओव्हर रेटमुळे बांगलादेश संघावर मॅच फिच्या ५ टक्के दंड आकारण्यात आला आहे. शाकिब अल हसनच्या नेतृत्वाखाली खेळणाऱ्या बांगलादेश संघाने निर्धाकरीत वेळेपेक्षा एक षटक कमी टाकले होते.

त्यामुळे ही कारवाई करण्यात आली आहे. त्यामुळे बांगलादेशवर आचारसंहीतेच्या २.२२ नियमानूसार ५ टक्के दंड आकारला गेला आहे. कर्णधार शाकिब अल हसनने ही चूक मान्या केली आहे.

या सामन्याबद्दल बोलायचं झालं तर सुरूवातीपासूनच या सामन्यात इंग्लंडचा दबदबा पाहायला मिळाला. प्रथम फलंदाजी करताना इंग्लंडने ५० षटकअखेर ९ गडी बाद ३६४ धावा केल्या. इंग्लंडकडून डेव्हिड मलानने १४० धावांची खेळी केली. तर जो रूट आणि जॉनी बेअरस्टो यांनी अर्धशतकं झळकावली. (Latest sports updates)

बांगलादेशला हा सामना जिंकण्यासाठी ३६५ धावा करायच्या होत्या. या धावांचा पाठलाग करताना बांगलदेशचा डाव ४८.२ षटकात २२७ धावांवर संपुष्टात आला. या विजयासह इंग्लंडने गुणतालिकेत २ गुणांची कमाई केली आहे. बांगलादेशचा पुढील सामना येत्या १३ ऑक्टोबर रोजी न्यूझीलंडविरूद्ध होणार आहे.