ऑस्ट्रेलिया : ऑस्ट्रेलियन ओपनचे (australian open 2022) आयोजक गतविजेत्या नोव्हाक जोकोविचच्या (Novak Djokovic) दुसऱ्यांदा व्हिसा रद्द करण्याच्या निर्णयाविरुद्ध संभाव्य कायदेशीर आव्हानाची वाट पाहत आहेत. याचे प्रमुख कारण म्हणजे येत्या साेमवारी ही स्पर्धा सुरू होणार आहे. फेडरल इमिग्रेशन मंत्री अ‍ॅलेक्स हॉक यांच्या जाेकाेविचचा व्हिसा रद्द करण्याच्या निर्णयाने स्पर्धेचा ड्राॅ अनिश्चिततेच्या भाेव-यात सापडला आहे.

जाेकाेविचचा (Novak Djokovic) व्हीसा (visa) रद्द झाल्यानंतर टेनिस वर्तुळात खळबळ उडाली. ऑस्ट्रेलियन ओपन (australlian open) चॅम्पियनच्या कायदेशीर मंडळींनी पहिला सामना सुरू होईपर्यंत ६० तासांपेक्षा कमी कालावधीत त्यांच्या पुढील वाटचालीबद्दल विचार करुन ठेवला आहे असंही सांगतिले जात आहे.

ITF च्या तरतुदींनुसार पहिल्या आणि चौथ्या स्थानांदरम्यानचा कोणताही खेळाडू जर माघार घेताे तर त्याच्या जागी पाचव्या मानांकित खेळाडूला स्थान दिले जाते. त्यामुळे जाेकाेविचच्या शिवाय ही स्पर्धा मार्गक्रमण हाेऊ शकले.

आंद्रे रुबलेव्हला मिळेल अव्वल स्थान

इंटरनॅशनल टेनिस फेडरेशनच्या (ITF) ग्रँड स्लॅम नियम पुस्तकात स्पष्ट केलेल्या तरतुदींनुसार ऑस्ट्रेलियन ओपन ड्रॉमध्ये फेरबदल हाेऊ शकेल. यामुळे पाचव्या मानांकित आंद्रे रुबलेव्हला ड्रॉ शीटमध्ये अव्वल स्थान मिळेल. रशियन खेळाडू जोकोविचऐवजी सर्बियन मिओमिर केकमानोविच खेळेल. आता आयाेजकांना जाेकाेविचच्या वकीलांनी निर्णयाविरुद्ध दिलेल्या आव्हानाच्या निकालाची प्रतिक्षा आहे.

edited by : siddharth latkar