Asian Games 2023:

चीनच्या झांगझोऊ शहरात आशियाई क्रीडा स्पर्धेचा उद्घाटन सोहळा पार पडला आहे. या आशियाई क्रीडा स्पर्धेची सुरुवात रंगारंग कार्यक्रमाने झाली. या सोहळ्यात देशाचं भारतीय हॉकी टीमचा कर्णधार हरमनप्रीत सिंह आणि बॉक्सर लवलीना बोरगोहेनने नेतृत्व केलं. तसेच कार्यक्रमादरम्यान चीनचे राष्ट्रपती शी जिनपिंग उपस्थित होते. आशियाई क्रीडा स्पर्धेचा २०२३ मध्ये भारतात ६५५ खेळाडू सहभागी होणार आहेत. (Latest Marathi News)

आशियाई क्रीडा स्पर्धेमध्ये यापूर्वी भारतात ५७२ खेळाडूंनी भाग घेतला होता. आशियाई क्रीडा स्पर्धेमध्ये यंदा ४५ देशांचे १२ हजारांहून अधिक खेळाडू सहभागी होणार आहेत. यावेळी आशियाई क्रीडा स्पर्धेमध्ये यंदा क्रिकेट खेळाचाही सामावेश करण्यात आला आहे.

आशियाई क्रीडा स्पर्धा २०१४ मध्ये क्रिकेट खेळाचाही सामावेश करण्यात आला होता. मात्र, त्यावेळी बीसीसीआयने संघ पाठवला नव्हता. मात्र, यंदा बीसीसीआयने टीम इंडियाचे महिला आणि पुरुष असे दोन्ही संघ पाठवले आहेत.

भारतीय क्रिकेट संघ सुवर्णपदक जिंकणार का?

आशियाई क्रीडा स्पर्धा २०१० मध्ये बांगलादेश पुरुष क्रिकेट संघाने सुवर्णपदक जिंकलं होतं. तर पाकिस्तानच्या महिला क्रिकेट संघाने सुवर्णपदक जिंकलं होतं. आशियाई क्रीडा स्पर्धा २०१४ मध्ये श्रीलंकेच्या पुरुष संघाने सुवर्णपदक जिंकलं होतं. तर २०१४ मध्ये पुन्हा एकदा पाकिस्तानच्या महिला क्रिकेट संघाने सुवर्णपदक जिंकलं होतं.

क्रिकेट व्यतिरिक्त रेसलिंग, बॅटमिंटन आणि बॉक्सिंग सारख्या खेळात सुवर्णपदक मिळावं अशी भारतीयांची अपेक्षा असणार आहे.