आशियाई क्रीडा स्पर्धेत भारतीय खेळाडूंचा जलवा सुरूच आहे. भारतीय हॉकी संघाने साखळी फेरीतील दुसऱ्या सामन्यात सिंगापूरवर १६-१ ने शानदार विजय मिळवला आहे. या संपूर्ण सामन्यात भारतीय खेळाडूंचा दबदबा पाहायला मिळाला आहे.
भारतीय संघाने पहिल्याच व्वार्टरमध्ये गोलचं खातं उघडलं, त्यानंतर भारतीय खेळाडूंनी मागे वळून पाहिलं नाही. या सामन्यात भारताचा कर्णधार हरमनप्रीत सिंगने ४ गोल केले तर मनदीप सिंगने गोलची हॅट्रीक केली.
उज्बेकिस्तानवर मिळवला विजय..
भारतीय हॉकी संघाने आशियाई क्रीडा स्पर्धेचा श्रीगणेशा उज्बेकिस्तानला पराभूत करत केला होता. पहिल्याच सामन्यात भारतीय संघाने १६-० ने विजय मिळवला होता. आता सिंगापूरला १६-१ ने धुळ चारली आहे.
या सामन्याबद्दल बोलायचं झालं तर, भारतीय संघाकडून मनदीप सिंगने १३ व्या मिनिटाला गोल करत खातं उघडून दिलं. त्यानंतर १६ व्या मिनिटाला ललित कुमारने भारतीय संघासाठी दुसरा गोल केला.
गुजरंत सिंगने २२ व्या मिनिटाला तिसरा गोल केला. पुढच्याच मिनिटाला विवेक सागर प्रसादने संघासाठी चौथा गोल केला. पहिल्या हाल्फमध्ये भारतीय संघाने ६-० ने आघाडी घेतली. (Latest sports updates)
दुसऱ्या हाल्फमध्येही भारतीय संघाचा जलवा..
दुसरा हाल्फ सुरू होताच मनदीप सिंगने भारतीय संघासाठी ७ वा गोल केला. त्यानंतर ३८ व्या मिनिटाला ८ वा आणि ४० व्या मिनिटाला हरमनप्रीत सिंगने २ पेनल्टी कॉर्नरमधुन गोल करत संघाला १०-० ची आघाडी मिळवून दिली. ४२ व्या मिनिटाला कर्णधार हरमनप्रीत सिंगने ११ वा गोल केला.
या सामन्यातील ५३ व्या मिनिटाला सिंगापूरकडून जकी जुल्करनेनने ५३ व्या मिनिटाला एकमेव गोल केला. भारतीय संघाने १६-१ ने विजय मिळवला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.