मंगळवारी आयपीएलमध्ये पंजाब किंग्ज विरूद्ध गुजरात टायटन्स यांच्यात सामना रंगला होता. या सामन्यात पंजाबने किंग्जने गुजरात टायटन्सचा ३ विकेट्सने पराभव केला. दरम्यान या सामन्यात एक अशी घटना घडली ज्यामध्ये जी सामना पाहायला आलेल्या प्रत्येकाच्या लक्षात राहील. या सामन्यानंतर चर्चेचा विषय ठरला तो वेगवान गोलंदाज अर्शदीप सिंग.

या सामन्यात अर्शदीप सिंग त्याच्या घातक गोलंदाजीने नव्हे तर त्याने त्याच्या एका ओव्हरमध्ये फेकलेल्या ११ चेंडूंमुळे चर्चेत आहे. अर्शदीप सिंगने गुजरातविरुद्ध ११ चेंडूंची एक ओव्हर टाकली. ज्यामध्ये वाईड आणि नो-बॉलचा भडीमार होता. आयपीएलमधील चेंडूंची गणना केली तर ही सर्वात मोठी ओव्हर ठरलीये. अर्शदीपच्या आधीच पाच गोलंदाजांनी हा असा रेकॉर्ड केला आहे.

शेवटच्या ओव्हरमध्ये टाकले ११ चेंडू

मंगळवारी, गुजरात टायटन्सच्या डावातील २० वी ओव्हर फेकण्यासाठी अर्शदीप सिंह आला होता. अर्शदीप सिंगने या ओव्हरमध्ये एकूण ११ चेंडू टाकले. १९ ओव्हरमध्ये गुजरातने ६ विकेट्स गमावून १५० रन्स पूर्ण केले. त्यानंतर चेंडू अर्शदीपकडे सोपवण्यात आला. ज्याने २० व्या ओव्हरच्या पहिल्याच चेंडूवर वाईड टाकला.

समोर फलंदाजी करत असेलल्या राहुल तेवतियाने पुढच्या दोन चेंडूंवर एकही रन घेतला नाही. तेवतियाने ओव्हरच्या तिसऱ्या चेंडूवर फोर मारला. त्यानंतर अर्शदीपने एक नो-बॉल आणि दोन वाईड टाकला. ओव्हरच्या चौथ्या चेंडूवरही रन घेतला नाही. तर तेवतियाने पाचव्या चेंडूवर एक रन घेतला. त्यानंतर अर्शदीपने पुढच्याच चेंडूवर पुन्हा वाईड टाकला. अंपायरने पुढचा चेंडूही वाईड घोषित टाकला. पण डीआरएसने तो वाईड नसल्याचं स्पष्ट केलं. अशा पद्धतीने अर्शदीप सिंगने २० व्या ओव्हरमध्ये एकूण ११ चेंडू टाकले.

आयपीएलमध्ये एका ओव्हरमध्ये सर्वाधिक टाकलेले चेंडू

अर्शदीपच्या आधी मोहम्मद सिराज (२०२३), तुषार देशपांडे (२०२३), शार्दुल ठाकूर (२०२५), संदीप शर्मा (२०२५) आणि हार्दिक पांड्या (२०२५) या सर्वांनी एका ओव्हरमध्ये ११ चेंडू टाकले आहेत.