पुणेकरांच्या बेफिकीरीमुळं कोरोना वाढतोच आहे. त्यात पुणे महापालिकाही कारवाईचं सोंग करतेय. पुणे महापालिकेनं सील केलेल्या लॅब खुल्या होत्या. साम टीव्हीनं महापालिकेच्या बोगस कारवाईचा पर्दाफाश केलाय.
पुण्यात कोरोनाचे रुग्ण वाढतायत. कोरोना रुग्ण कोणाच्या संपर्कात आला याचं कॉन्टॅक्ट ट्रेसिंगच होत नसल्याची धक्कादायक बाब उघड झालीय. खासगी लॅब कोरोना रुग्णांची माहितीच देत नसल्याचा दावा महापालिकेनं केला. महापालिकेनं कुणावर तरी कारवाई करायची म्हणून तीन लॅब सील केल्या.
साम टीव्हीनं जेव्हा सील केलेल्या लॅबची पडताळणी केली तेव्हा तिथं तर सगळं काम सुरळीत सुरु होतं. महापालिकेनं फक्त सरकारला दाखवण्यासाठी कारवाईचं नाटक केलं होतं का असा प्रश्न निर्माण झालाय.
महापालिका प्रशासन जर कारवाईचं ढोंग करत असेल तर पुणेकरांचं काही खरं नाही. येत्या काळात कोरोना रुग्ण वाढल्यास त्याला बेफिकीर पुणेकर आणि महापालिका प्रशासनही तेवढंच जबाबदार असेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.