सरकारी नोकरी करण्याची इच्छा असणाऱ्या तरुणांसाठी आनंदाची बातमी आहे.सुप्रीम कोर्टात भरती सुरु आहे. सर्वोच्च न्यायालयात ज्युनिअर कोर्ट अटेंडंट पदासाठी भरती सुरु आहे. या नोकरीसाठी जाहिरात प्रकाशित करण्यात आली आहे. नोकरीसाठी अर्ज करण्याची शेवटची तारीख १२ सप्टेंबर २०२४ म्हणजे आज आहे.

ज्युनिअर कोर्ट अटेंडंट पदासाठी अर्ज करणाऱ्या उमेदवाराला स्वयंपाकाचे ज्ञान असणे गरजेचे आहे. अर्ज करणाऱ्या उमेदवाराने मान्यताप्राप्त बोर्डातून १० वी पास असणे गरजेचे आहे. त्याचसोबत एक वर्षाचा कुकिंग डिप्लोमा केलेला असावा.

ज्युनिअर कोर्ट अटेंडंट पदासाठी उमेदवारांना ऑनलाइन पद्धतीने अर्ज करायचा आहे.या नोकरीसाठी अर्ज फी ४०० रुपये आहे. राखीव प्रवर्गातील उमेदवारांना २०० रुपये अर्ज फी भरायची आहे.या नोकरीसाठी निवड झालेल्या उमेदवारांना २१,७०० ते ४६,२१० रुपये मासिक वेतन मिळणार आहे.

सरकारी नोकरीच्या शोधात असणाऱ्या तरुणांसाठी ऑइल इंडिया लिमिटेडमध्येही नोकरीची सुवर्णसंधी आहे. ऑइल इंडिया लिमिटेडमध्ये सिव्हिल इंजिनियर पदासाठी भरती सुरु आहे. या नोकरीसाठी निवड झालेल्या उमेदवाराला १,६०,००० रुपये पगार मिळणार आहे. त्यामुळे इच्छुक उमेदवार या नोकरीसाठीही अर्ज करु शकतात.