रेल्वेमध्ये नोकरी करावी अशी अनेकांची इच्छा असते. जर तुम्हाला रेल्वेत नोकरी करायची असेल तर ही बातमी खास तुमच्यासाठी. उत्तर रेल्वेमध्ये अप्रेंटिस पदासाठी भरती करण्यात येणार आहे. या नोकरीसाठी इच्छुक उमेदवांरानी लवकरात लवकर अर्ज करावेत.

उत्तर रेल्वेत अप्रेंटिस पदासाठी तब्बल ४०९६ पदे रिक्त आहेत. या नोकरीसाठी उमेदवारांना ऑनलाइन पद्धतीने अर्ज करता येणार आहे. नोकरीसाठी अर्ज करण्यास सुरुवात झाली आहे. या नोकरीसाठी अर्ज करण्याची शेवटची तारीख १६ सप्टेंबर असणार आहे. या नोकरीबाबत जाहिरात प्रकाशित करण्यात आली आहे.

रेल्वेमध्ये तब्बल ४०९६ शिकाऊ पदांसाठी भरती जाहीर करण्यात आली आहे. अप्रेंटिसमध्ये फिटर, वेल्डर, कारपेंटर, पेंटर, इलेक्ट्रिशियन, मेकॅनिक डिझेल, मॅकेनिक मोटर व्हेईकल अशा विविध पदांसाठी भरती होणार आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून किंवा संस्थेतून १०वी पास असणे गरजेचे आहे त्याचसोबत संबंधित ट्रेडमध्ये आयटीआय केलेले असावे.

या नोकरीसाठी तुम्हाला ऑनलाइन पद्धतीने अर्ज करायचा आहे. १५ ते २४ वयोगटातील उमेदवार या नोकरीसाठी अर्ज करु शकतात.

रेल्वेसोबत अनेक ठिकाणी नोकरी करण्याची सुवर्णसंधी आहे. सेंट्रल बँक ऑफ इंडिया आणि आयडीबीआय बँकेत अनेक पदांसाठी रिक्त जागा आहेत. ऑफिसर ते वॉचमन या सर्व पदांसाठी ही भरती होणार आहे. त्यामुळे इच्छुक उमेदवार या नोकरीसाठीदेखील अर्ज करु शकतात.