नोकरीच्या शोधात असणाऱ्यांसाठी कामाची बातमी आहे. आता एसटी महामंडळात नोकरी करण्याची सुवर्णसंधी तुमच्याकडे आहे. एसटी महामंडळात काम करुन तुम्हाला सरकारी विभागात कामकाज कसं चालतं याबाबत माहिती मिळणार आहे. त्यामुळे नुकतेच शिक्षण पूर्ण झाले असेल तर ही संधी सोडू नका. तुम्ही महाराष्ट्र राज्य परिवहन विभागात नोकरी मिळवू शकतात.

महाराष्ट्र राज्य परिवहन महामंडळाने भरती जाहीर केली आहे. प्रशिक्षणार्थी पदांसाठी ही भरती जाहीर करण्यात आली आहे. ही भरती नाशिक येथे होणार आहे. एकूण ३६७ पदांसाठी भरती जाहीर करण्यात आली आहे.

या नोकरीबाबत सविस्तर माहिती तुम्हाला अधिकृत वेबसाइटवर मिळणार आहे. त्यामुळे इच्छुकांनी आधी जाहिरात वाचावी त्यानंतरच अर्ज करावा.

एसटी महामंडळात कोणत्या पदांसाठी भरती?

एसटी महामंडळातील या नोकरीसाठी १०वी पास असणे अनिवार्य आहे. याचसोबत इंजिनियरिंग डिग्री प्राप्त केलेले उमेदवार अर्ज करु शकतात. आयटीआय पदवीधर उमेदवारदेखील विविध पदांसाठी इक्ज करु शकतात.

इलेक्ट्रॉनिक्स मेकॅनिक, मोटार मेकॅनिक, शिटमेटल वर्कर, वेल्डर, पेन्टर,डिझेल मॅकेनिर अशा विविध पदांसाठी भरती होणार आहे.

अर्ज कसा करावा?

या नोकरीसाठी अर्ज करण्याची शेवटची तारीख ११ ऑगस्ट २०२५ आहे.यासाठी उमेदवारांनी सर्वात आधी http://www.apprenticeshipindia.gov.inया वेबसाइटवर रजिस्ट्रेशन करावे. यानंतर अर्ज भरुन एन.डी. पटेल रोड, शिंगाडा तलाव, नाशिक येथे द्यायचा आहे.११ ऑगस्टपूर्वी तुम्हाला अर्ज पाठवायचा आहे.