रेल्वेत नोकरी करण्यासाठी इच्छुक असलेल्या तरुणांसाठी आनंदाची बातमी आहे. रेल्वेमध्ये नोकरी करण्याची सुवर्णसंधी आहे. रेल्वे एनटीपीसीमध्ये तब्बल ११ हजारांपेक्षा जास्त पदांसाठी भरती करण्यात येणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.

रेल्वे भरती बोर्डात नॉन टेक्निकल पदांसाठी भरती सुरु आहे. ११५८८ पदांसाठी ही भरती करण्यात येणार आहे.यातील काही पदे ग्रॅज्युएटसाठी तर काही पदे अंडरग्रॅज्युएट तरुणांसाठी आहे.

या भरतीमध्ये ८११३ पदे ही ग्रॅज्युएट तरुणांसाठी आहे तर ३४४५ अंडर ग्रॅज्युएट पदांसाठी आहे. या नोकरीसाठी अर्ज करण्याची सुरुवात १४ सप्टेंबरपासून होणार आहे. तर अर्ज करण्याची शेवटची तारीख १३ ऑक्टोबर २०२४ आहे.

या नोकरीसाठी अंडरग्रॅज्युएट पदासाठी १२ वी पास उमेदवारदेखील अर्ज करु शकतात.ग्रॅज्युएट पदासाठी वयोमर्यादा १८ ते ३६ वर्ष आहे. तर अंडरग्रॅज्युएटसाठी १८ ते ३३ वयोगटातील उमेदवार अर्ज करु शकतात. rrbapply.in या वेबसाइटवर जाऊन तुम्हाला अर्ज करावा लागेल.

याबाबत अधिक माहिती काही दिवसांत देण्यात येणार आहे.या नोकरीसाठी उमेदवारांची निवड कॉम्प्युटर बेस्ड टेस्टद्वारे करण्यात येणार आहे. त्यानंतर तुमची अजून टेस्ट घेण्यात येईल.

याचसोबत अनेक बँकामध्ये भरती करण्यात येणार आहे. सेंट्रल बँक ऑफ इंडियामध्ये विविध पदांसाठी भरती सुरु आहे. बँकेमध्ये नेहमी भरती करण्यात येणार आहे. बँकेच्या नोकरीसाठी परीक्षा द्यावी लागते. आयबीपीएसद्वारे ही भरती करण्यात येते.