सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. तेल आणि नैसर्गिक वायू महामंडळ म्हणजे ओएनजीसीमध्ये नोकरी करण्याची सुवर्णसंधी आहे. ओएनजीसीमध्ये अप्रेंटिस पदासाठी भरती जाहीर करण्यात आली आहे. (ONGC Recruitment)

ओएनजीसीमध्ये २२३६ रिक्त जागांसाठी भरती करण्यात येणार आहे. या नोकरीसाठी अर्ज करण्याची शेवटची तारीख २० नोव्हेंबर २०२४ आहे.

ओएनजीसीमध्ये एकूण २२३६ पदे भरती केली जाणार आहे. त्यातील १५९ पदे ही महाराष्ट्रात आहे. ज्या तरुणांचे नुकतेच शिक्षण पूर्ण झाले आहे आणि नोकरी शोधत आहेत. त्यांच्यासाठी ही चांगली संधी आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून किंवा संस्थेतून १०वी, १२वी, ITI, डिप्लोमा, पदवीधर (BBA/B.Tech/B.sc)पदवी प्राप्त केलेली असावी. या नोकरीसाठी तुम्हाला ऑनलाइन पद्धतीने अर्ज करायचा आहे. (Government job)

१८ ते २४ वयोगटातील उमेदवार या नोकरीसाठी अर्ज करु शकतात.या नोकरीसाठी ग्रॅज्युएट पदवीधर पदासाठी ९००० रुपये स्टायपेंड मिळणार आहे. ट्रेड अप्रेंटिस पदासाठी ७००० ते ८०५० रुपये स्टायपेंड मिळणार आहे. डिप्लोमा पदासाठी ८०५० रुपये स्टायपेंड मिळणार आहे.

पॉवर ग्रिड कॉर्पोरेशन ऑफ इंडिया भरती (PGCIL Bharti)

सध्या पॉवर ग्रिड कॉर्पोरेशन ऑफ इंडियामध्येही नोकरी करण्याची सुवर्णसंधी आहे. ८०२ रिक्त पदांसाठी ही भरती करण्यात येणार आहे.या भरती मोहिमेत ज्युनियर ट्रेनी ऑफिसर, डिप्लोमा ट्रेनी, असिस्टंट ट्रेनी ऑफिसर पदासाठी भरती होणार आहे. या नोकरीसाठी अर्ज करण्याची शेवटची तारीख १९ नोव्हेंबर २०२४ आहे.