सरकारी नोकरीच्या करण्याची अनेकांची इच्छा असते. जर तुम्हालाही सरकारी नोकरी करायची असेल तर ही बातमी खास तुमच्यासाठी. नॅशनल थर्मल पॉवर कॉर्पोरेशन लिमिटेड (NTPC) मध्ये नोकरीची सुवर्णसंधी आहे. या नोकरीसाठी निवड झालेल्या उमेदवारांना भरघोस पगार मिळणार आहे.

NTPC मध्ये डेप्युटी मॅनेजर पदासाठी भरती जाहीर केली आहे. या पदासाठी २५० जागा रिक्त आहेत. या नोकरीसाठी तुम्ही ऑनलाइन पद्धतीने अर्ज करु शकतात.ntpc.co.in या वेबसाइटवर जाऊन तुम्ही अर्ज करु शकतात.

नॅशनल थर्मल पॉवर कॉर्पोरेशन लिमिटेडमध्ये इलेक्ट्रिकल, मेकॅनिकल, सिविल आणि C&I या विषयांवरील प्रोजेक्टवर काम करण्याची संधी आहे. प्रोजेक्ट, इरेक्शन, कन्स्ट्रक्शन सेक्टरमध्ये डेप्युटी मॅनेजर पदासाठी भरती जाहीर केली आहे. या नोकरीसाठी अर्जप्रक्रिया उद्या म्हणजे १४ सप्टेंबर २०२४ पासून सुरु होणार आहे. नोकरीसाठी अर्ज करण्याची शेवटची तारीख २८ सप्टेंबर २०२४ आहे.

NTPC मध्ये डेप्युटी मॅनेजर पदासाठी अर्ज करणाऱ्या उमेदवाराने मान्यताप्राप्त विद्यापीठातून इलेक्ट्रिकल किंवा इलेक्ट्रॉनिक्समध्ये B.E/B.Tech पदवी प्राप्त केलेली असावी. या नोकरीसाठी अर्ज करण्याची कमाल वयोमर्यादा ४० वर्ष आहे. तर राखीव प्रवर्गातील उमेदवारांना वयोमर्यादेत सूट देण्यात आली आहे.

NTPC मध्ये डेप्युटी मॅनेजर पदासाठी निवड झालेल्या उमेदवाराचे वेतन E-4 ग्रेडमध्ये असेल. या नोकरीसाठी निवड झालेल्या उमेदवारांना ७० हजार ते दोन लाखापर्यंत वेतन मिळणार आहे.