अनेक तरुणांचे देशसेवा करण्याचे स्वप्न असते. देशसेवेसाठी अनेकजण भारतीय आर्मीत काम करण्याचे स्वप्न पाहत असतात.जर तुम्हालाही आर्मीत नोकरी करायची असेल तर ही माहिती खास तुमच्यासाठी आहे. इंडियन आर्मीत ऑफिसर बनण्याची संधी तुमच्याकडे आहे.

इंडियन आर्मीने टेक्निकल प्रवेश योजना (TES-53) अंतर्गत जुलै २०२५ बॅचसाठी भरती जाहीर केली आहे. यासाठी तुम्हाला अधिकृत वेबसाइटवर जाऊन अर्ज करायचा आहे. या पदांसाठी अर्जप्रक्रिया सुरु झाली आहे.

इंडियन आर्मीत ९० रिक्त पदांसाठी भरती करण्यात येणार आहे. जर तुम्हालाही या पदांसाठी अर्ज करायचा असेल तर ७ नोव्हेंबर अर्ज करण्याची शेवटची तारीख आहे. मुदतीपूर्वी इच्छुक उमेदवारांनी अर्ज करावेत.

या नोकरीसाठी अर्ज करणाऱ्या उमेदवाराने फिजिक्स, केमिस्ट्री, गणित (PCM)सह १०वी आणि १२वीची परीक्षा उत्तीर्ण केलेली असावी. त्याचसोबत जेईई मेन्स परीक्षा दिलेली असावी.

या नोकरीसाठी अर्ज करणाऱ्या उमेदवाराचा जन्म २ जानेवारी २००६ ते १ जानेवारी २००९ या कालावधीत झालेला असावा.या नोकरीसाठी अर्ज करणाऱ्या उमेदवारांची शॉर्टलिस्ट केली जाईल. त्यानंतर त्यांना मुलाखतीसाठी बोलावले जाईल. यानंतर मेडिकल टेस्ट केली जाणार आहे. यानंतर उमेदवारांची निवड केली जाईल. (Indian Army Job)

बृहन्मुंबई महानगरपालिकेत नोकरीची संधी

सरकारी नोकरीच्या शोधात असणाऱ्या तरुणांसाठी बृहन्मुंबई महानगरपालिकेत भरती सुरु आहे. बृहन्मुंबई महानगरपालिकेत सिव्हिल इंजिनियर आणि मेकॅनिकल अँड इलेक्ट्रिकल इंजिनियर पदासाठी भरती सुरु आहे. या नोकरीसाठी उमेदवारांनी १४२००० रुपये पगार मिळणार आहे. (BMC Recruitment)