इन्कम टॅक्स डिपार्टमेंटमध्ये नोकरी करण्याची सुवर्णसंधी तुमच्याकडे आहे. जर तुम्हाला सरकारी नोकरी करायची असेल तर ही तुमच्यासाठी उत्तम संधी आहे. इन्मक टॅक्स डिपार्टमेंटमध्ये डेटा प्रोसेसिंग असिस्टंट ग्रेड बी पदासाठी भरती सुरु आहे. या भरतीसाठी तुम्हाला ऑफलाइन पद्धतीने अर्ज करायचे आहे. या नोकरीसाठी अधिसूचना जाहीर करण्यात आली आहे. (Income Tax Recruitment)

या नोकरीसाठी अर्ज करण्याची शेवटची तारीख ३० जानेवारी २०२५ असणार आहे. अधिसूचना प्रकाशित केलेल्या दिवसांपासून ३० दिवसापर्यंत तुम्ही अर्ज करु शकतात. म्हणजेच तुम्ही जानेवारी महिन्याच्या शेवटपर्यंत अर्ज करु शकतात.

या नोकरीसाठी तुम्ही incometaxindia.gov.in या वेबसाइटवर जाऊन अर्ज करु शकतात. या वेबसाइटवर जाऊन रिक्रूटमेंट सेक्शनवर जाऊन संबंधित अधिसूचनेच्या लिंकवर क्लिक करा. त्यानंतर तुम्ही अर्जाची प्रिंट आउट काढून घ्या. हा फॉर्म भरुन तुम्हाला ऑफलाइन पद्धतीने पाठवायचा आहे. (Income Tax Job)

या नोकरीसाठी अर्ज तुम्हाला निदेशालय आयकर (सिस्टीम), केंद्रीय प्रत्यक्ष कर बोर्ड, ग्राउंड फ्लोर, ई २, एआरए सेंटर, नवी दिल्ली ११० ०५५ येथे पाठवायचा आहे.

डेटा प्रोसेसिंग असिस्टंट ग्रुप बी पदासाठी निवड झालेल्या उमेदवारांना पे स्केल ७ नुसार पगार मिळणार आहे. ४४९०० ते १४२४०० रुपये पगार मिळणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.

इन्कम टॅक्स डिपार्टमेंटमध्ये ८ रिक्त पदांसाठी भरती जाहीर करण्यात आली आहे. या नोकरीसाठी उमेदवारांची पोस्टिंग दिल्ली, लखनऊ, हैदराबाद, कानपुर, चंदीगड, कोलकत्ता, चेन्नई येथे केली जाणार आहे. या नोकरीसाठी अर्ज करण्यापूर्वी अधिसूचना वाचून घ्या.