दिल्ली मेट्रोत नोकरी करण्याची सुवर्णसंधी तुमच्याकडे आहे. दिल्ली मेट्रो रेल कॉर्पोरेशनमध्ये नोकरी करण्याची ही चांगली संधी आहे. या नोकरीबाबत सर्व माहिती अधिकृत वेबसाइटवर देण्यात आली आहे.

दिल्ली मेट्रोतील या नोकरीसाठी उमेदवारांनी delhimetro.com या वेबसाइटवर जाऊन अर्ज करायचा आहे. दिल्ली मेट्रोत मॅनेजर, असिस्ंटट मॅनेजर पदासाठी भरती जाहीर करण्यात आली आहे. या नोकरीसाठी अर्जप्रक्रिया सुरु झाली आहे. (Delhi Metro Job)

दिल्ली मेट्रोत मॅनेजर होण्याची ही सुवर्णसंधी आहे. या नोकरीसाठी अर्ज करण्याची शेवटची तारीख १३ डिसेंबर २०२४ आहे. मॅनेजर (भूमि), असिस्टंट मॅनेजर पदासाठी ही भरती केली जाणार आहे.

दिल्ली मेट्रोतील या नोकरीसाठी अर्ज करणाऱ्या उमेदवाराने मान्यताप्राप्त विद्यालयातील बी.बी.ई/ बी.टेक (सिविल) डिग्री असणे गरजेचे आहे. या डिग्रीसाठी ६० टक्के गुण प्राप्त केलेले असावे. (Delhi Metro Recruitment 2024)

दिल्ली मेट्रोतील या नोकरीसाठी ५५ वर्ष ते ६२ वयोगटातील उमेदवार अर्ज करु शकतात. मॅनेजर पदासाठी ८७,८०० रुपये पगार मिळणार आहे. असिस्टंट मॅनेजर पदासाठी ६८,३०० रुपये पगार मिळणार आहे.

दिल्ली मेट्रोतील या नोकरीसाठी उमेदवारांची निवड मुलाखतीद्वारे केली जाणार आहे.त्यानंतर मेडिकल फिटनेस परीक्षा द्यावी लागणार आहे. या नोकरीसाठी मुलाखत डिसेंबर महिन्याच्या तिसऱ्या आठवड्यात होण्याची शक्यता आहे.

या नोकरीसाठी अर्ज करताना उमेदवारांनी दिल्ली मेट्रोच्या साइटवर जाऊन फॉर्म डाउनलोड करावा. त्यानंतर हा अर्ज भरुन जनरल मॅनेजर, प्रोजेक्ट (एचआर), दिल्ली मेट्रो रेल कॉर्पोरेशन लिमिटेड, मेट्रो भवन, फायर ब्रिगेड लेन, भारखंभा, नवी दिल्ली येथे अर्ज पाठवायचा आहे.