रेल्वेमध्ये नोकरी करण्याचे अनेकांचे स्वप्न असते. जर तुमचेही रेल्वेत नोकरी करायचे स्वप्न असेल तर ही माहिती खास तुमच्यासाठी. मध्य रेल्वेमध्ये विविध पदांसाठी भरती जाहीर करण्यात आली आहे. मध्य रेल्वे रिक्रूटमेंट सेल, मुख्य प्रकल्प व्यवस्थापकाद्वारे ही जाहिरात प्रकाशित करण्यात आली आहे.

केंद्र सरकारअंतर्गत ही भरती केली जाणार आहे. रेल्वेमध्ये नोकरी मिळवण्याची ही सुवर्णसंधी आहे. रेल्वेत एकूण २४२४ पदांसाठी ही भरती जाहीर केली आहे. १०वी आणि आयटीआय उत्तीर्ण उमेदवार या नोकरीसाठी अर्ज करु शकतात.

अप्रेंटिस म्हणजेच शिकाऊ उमेदवार या पदासाठी भरती जाहीर केली आहे. १५ ते २४ वयोगटातील उमेदवार या नोकरीसाठी अर्ज करु शकतात. १-२ वर्षांच्या कालावधीसाठी ही रिक्त पदे भरती केली जाणार आहे.

या नोकरीसाठी तुम्ही ऑनलाइन पद्धतीने अर्ज करु शकतात. अधिकृत वेबसाइटवर सर्व माहिती देण्यात आली आहे. जर तुम्हाला अर्ज भरताना कोणतीही अडचण आली तर तुम्ही act.apprentice@rrccr.com यावर ईमेल करा. या नोकरीसाठी तुम्ही १५ ऑगस्ट २०२४ पर्यंत अर्ज करु शकतात.

जर तुमचे शिक्षण पूर्ण झाले असेल किंवा तुम्ही आयटीआयचे शिक्षण घेत असाल तर तुम्ही या नोकरीसाठी अर्ज करु शकतात. या नोकरीत तुम्हाला रेल्वेची संपूर्ण माहिती मिळणार आहे. रेल्वेत कशा प्रकारे काम केले जाते, हे सर्व या तुम्हाला या कालावधीत शिकायला मिळणार आहे. या नोकरीसाठी उमेदवारांना पगार किती दिला जाणार आहे, याबाबत कोणतीही माहिती समोर आलेली नाही.