ग्रॅज्युएशन पूर्ण झालंय आणि नोकरी शोधताय तर ही बातमी खास तुमच्यासाठी. कॅनरा बँकेत सध्या नोकरीची सुवर्णसंधी आहे. कॅनरा बँकेत ट्रेनी पदांसाठी भरती जाहीर करण्यात आली आहे. सेल्स अँड मार्केटिंग पदांसाठी भरती करण्यात आली आहे. या नोकरीसाठी इच्छुकांनी लवकरात लवकर अर्ज करावेत.

कॅनरा बँकेतील या नोकरीसाठी इच्छुकांनी अधिकृत वेबसाइटवर जाऊन अर्ज करावेत.या नोकरीसाठी https://www.canmoney.in/careers या वेबसाइटवर जाऊन अर्ज करावेत. या नोकरीसाठी अर्ज करण्याची शेवटची तारीख ६ ऑक्टोबर २०२५ आहे. इच्छुकांनी मूदतीपूर्वी अर्ज करावेत.

कॅनरा बँकेतील या नोकरीसाठी अधिसूचना जाहीर करण्यात आली आहे. ट्रेनी पदासाठी तुम्हाला कोणतीही लेखी परीक्षा द्यावी लागणार नाहीये. तुमची निवड थेट इंटरव्ह्यूद्वारे होणार आहे. हा इंटरव्ह्यू ऑनलाइन किंवा ऑफलाइन पद्धतीने घेतला जाईल. या नोकरीच्या मुलाखतीबाबतची माहिती ई-मेलद्वारे तुम्हाला दिली जाईल.

पात्रता (Education Qualification)

कॅनरा बँकेतील या नोकरीसाठी अर्ज करणाऱ्या उमेदवारांनी कोणत्याही मान्यताप्राप्त विद्यापीठातून पदवी प्राप्त केलेली असावी. २० ते ३० वयोगटातील उमेदवार या नोकरीसाठी अर्ज करु शकतात.या नोकरीसाठी अनुभवी उमेदवारांनी अनुभवाचे प्रमाणपत्र दाखवणे गरजेचे आहे. अर्ज करणाऱ्या उमेदवाराकडे कॉम्प्युटर ज्ञान असणे गरजेचे आहे.

कॅनरा बँकेत ट्रेनी पदासाठी निवड झाल्यावर उमेदवारांना २२,००० रुपये स्टायपेंड दिली जाणार आहे. त्यामुळे जर तुमचे नुकतेच शिक्षण पूर्ण झाले असेल तर नोकरी करण्याची ही उत्तम संधी आहे.

अर्ज कसा करावा?

कॅनरा बँकेतील नोकरीसाठी अर्ज करताना https://www.canmoney.in/careers या वेबसाइटवर क्लिक करा.

यानंतर तुमची सर्व माहिती भरा.

यानंतर तुमचे सर्व शैक्षणिक कागदपत्रे अपलोड करायचे आहेत.

यानंतर अर्ज केल्याची प्रिंट आउट काढून तुमच्याजवळ ठेवा.

ऑफलाइन पद्धतीने अर्ज

कॅनरा बँकेतील या नोकरीसाठी तुम्ही ऑफलाइन पद्धतीने अर्ज पाठवू शकतात. महाप्रबंधक, मानव संसाधन विभाग, कॅनरा बँक सिक्युरिटीज लिमिटेड, ७वा मजला, मेकर चेंबर ३, नरीमन पॉइंट, मुंबई ४०००२१ येथे पाठवायचा आहे.