सरकारी नोकरीच्या शोधात असलेल्या तरुणांसाठी आनंदाची बातमी आहे. बृहन्मुंबई महानगरपालिकेत सध्या निरीक्षक पदासाठी भरती जाहीर करण्यात आली आहे. बृहन्मुंबई महानगरपालिकेत कर निर्धारण व संकलन खात्यात गट क मधील निरीक्षक पदासाठी भरती जाहीर करण्यात आली आहे.

निरीक्षक (Inspector)पदासाठी १७८ रिक्त पदे आहेत. यामध्ये अनेक पदे सामान्य प्रवर्गातील उमेदवारांसाठी, राखीव प्रवर्ग, महिला, खेळाडू माजी सैनिक यांच्यासाठी राखीव आहेत.

बृहन्मुंबई महानगरपालिकेतील इन्स्पेक्टर पदासाठी अर्ज करणाऱ्या उमेदवाराने १०वी पास असणे गरजेचे आहे. त्याचसोबत कला, विज्ञान, वाणिज्य या विषयात पदवी प्राप्त केलेली असावी. १०वीच्या परिक्षेत मराठी विषय घेतलेला असावा. तसेच माजी सैनिक असलेल्या उमेदवारांकडे इंडियन आर्मी स्पेशल सर्टिफिकेट ऑफ एज्युकेशन सर्टिफिकेट असणे गरजेचे आहे.

या नोकरीसाठी १८ ते ३८ वयोगटातील उमेदवार अर्ज करु शकतात. याबाबत सर्व माहिती मुंबई महानगरपालिकेच्या वेबसाइटवर दिली आहे. या नोकरीसाठी उमेदवारांची निवड ही परिक्षेद्वारे केली जाणार आहे. इंग्रजी भाषा आणि व्याकरण, सामान्य ज्ञान, अंकगणित परीक्षा द्यावी लागणार आहे. परिक्षेत पास झाल्यानंतरच उमेदवारांची नोकरीसाठी निवड केली जाणार आहे. (BMC Recruitment)

या नोकरीसाठी अर्ज करण्याची शेवटची तारीख १९ ऑक्टोबर २०२४ आहे. या नोकरीसाठी अर्ज करणाऱ्या उमेदवाराला १००० रुपये अर्ज शुल्क भरावे लागणार आहे. तर राखीव प्रवर्गातील उमेदवारांना ९०० रुपये फी द्यावी लागणार आहे.