BMC Job Saam tv
naukri-job-news

BMC Jobs : मुंबई महापालिकेत नोकरीची सुवर्णसंधी; महिन्याला पगार ३०,००० रुपये; कुठे अन् कसा अर्ज करणार? घ्या जाणून

BMC Recruitment 2025: मुंबई महापालिकेत नोकरीची सुवर्णसंधी आहे. या पदासाठी ३०००० रुपये महिना पगार असणार आहे. या पदासाठीची संपूर्ण माहिती जाणून घ्या.

Vishal Gangurde

मुंबई महापालिकेत नोकरी करु इच्छिणाऱ्यांसाठी सुवर्णसंधी हाती आली आहे. मुंबई महापालिकेच्या घनकचरा व्यवस्थापन विभागात ही नोकरीची संधी आहे. पालिकेच्या घनकचरा व्यवस्थापन विभागात 'Community Development Officer' या पदांसाठी भरती प्रक्रिया सुरु करण्यात आली आहे. इच्छुक आणि पात्र उमेदवारांसाठी या पदांसाठी ऑफलाइन पद्धतीने अर्ज मागवण्यात येत आहेत.

'Community Development Officer' या पदासाठी ५ जूनपासून अर्ज मागवण्यासही सुरुवात झाली आहे. एकूण २९ रिक्त जागांसाठी भरती होणार आहे. पालिकेतील या पदांसाठी उमेदवारांना मुलाखतीसाठी आवश्यक कागदपत्रांसह अर्ज सादर करावा लागणार आहे. ही सुवर्णसंधी समाजसेवा, शहरी विकास आणि स्थानिक स्वराज्य संस्था यामध्ये करिअर करु इच्छिणाऱ्या उमेदवारांसाठी उत्यंत उपयुक्त असणार आहे.

पालिकेतील या पदासाठी आवश्यक माहिती जाहीर करण्यात आली आहे. पालिकेतील या पदाचे नाव कम्युनिटी डेव्हलमेंट ऑफिसर असे आहे. या पदासाठी एकूण २९ जागा आहेत. मुंबई हेच नोकरीचं ठिकाण असणार आहे. पालिकेच्या या पदासाठी दरमहा ३०,००० रुपये वेतन देण्यात येणार आहे.

अर्जासाठी कालावधी काय?

कम्युनिटी डेव्हलमेंट ऑफिसर पदासाठी ऑफलाइन पद्धतीने अर्ज करावा लागणार आहे. स्वत: जाऊन आणि पोस्टाने या पदासाठी अर्ज भरू शकता. वयोमर्यदा किमान १८ वर्षे ते कमाल ४३ वर्षे इतकी आहे. कम्युनिटी डेव्हलमेंट ऑफिसर पदासाठी ५ जून २०२५ ते २५ जून २०२५ इतका कालावधी देण्यात आला आहे.

पात्रता आणि आवश्यक अटी काय?

शैक्षणिक पात्रता काय?

पदवीधर किंवा त्यास समक्षक पात्रता आवश्यक असणार आहे. त्याचबरोबर समाजशास्त्र, नागरी प्रशासन, शहरी विकास, कम्युनिटी वर्क इत्यादी क्षेत्रातील पदवी किंवा डिप्लोमा धारकांना प्राधान्य देण्यात येणार आहे.

अनुभव काय?

सामाजिक विकास प्रकल्प, स्थानिक समुदायांसोबत काम करण्याचा अनुभव असल्यास अधिक लाभदायक ठरणार आहे. त्याचबरोबर उमेदवार हा शारीरिक आणि मानसिकदृष्ट्या सक्षम असावा. त्याचबरोबर या उमेदवाराची मुंबईतील शहरी आणि उपनगरी भागांमध्ये काम करण्याची तयारी असावी.

अर्ज कुठे पाठवाल?

उपमुख्य अभियंता (घनकचरा व्यवस्थापन) कार्यकारी कार्यालय, मुंबई महानगरपालिका इमारत, ६ वा मजला, पंतनगर बेस्ट डेपोच्या मागे,पंतनगर महानगरपालिका यानगृह, घाटकोपर (पूर्व), मुंबई – ४०००७५ या पत्त्यावर अर्ज पाठवता येईल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi bhasha Vijay Live Updates : जास्त नाटकं केली तर कानाखाली आवाज काढलाच पाहिजे - राज ठाकरे

Karnataka Hill Station: ट्रेकिंग अन् नयनरम्य दृश्य! कर्नाटकातील 'या' हिल स्टेशनला नक्की भेट द्या

१२ वर्षाच्या विद्यार्थ्यांचा अचानक मृत्यू, शाळेच्या गेटजवळ कोसळला; घटना सीसीटीव्हीत कैद

Marathi Language: मायबोली मराठी भाषेचा उदय कधी झाला माहिती आहे का?

Marathi Bhasha Vijay Live Updates: केडियाचं ऑफिस उद्ध्वस्त; हा तर फक्त ट्रेलर आहे, पिक्चर अजून बाकी आहे – मनसैनिकांचा इशारा|VIDEO

SCROLL FOR NEXT