बँकेत चांगल्या पगाराची नोकरी मिळावी, अशी अनेकांची इच्छा असते. बँकेत नोकरी करायची म्हटल्यावर परीक्षा द्यावी लागणार असे अनेकांना वाटते. परंतु काही पदांसाठी तुम्हाला परीक्षा द्यावी लागणार नाही. सध्या सेंट्रल बँक ऑफ इंडियामध्ये नोकरीची सुवर्णसंधी तुमच्याकडे आहे.

सेंट्रल बँक ऑफ इंडियामध्ये स्पेशलिस्ट ऑफिसर पदासाठी भरती सुरु आहे. ६२ रिक्त पदांसाठी ही भरती जाहीर करण्यात आली आहे. या नोकरीसाठी तुम्ही centralbankofindia.co.in या वेबसाइटवर जाऊन अर्ज करु शकतात. (Central Bank Of India Recruitment)

मोठ्या बँकेत अधिकारी होण्याची ही सुवर्णसंधी आहे. सेंट्रल बँकेतील या नोकरीसाठी अर्ज करण्याची शेवटची तारीख १२ जानेवारी २०२५ आहे. त्यामुळे इच्छुक उमेदवारांनी या नोकरीसाठी अर्ज करावेत.

सेंट्रल बँकेत डेटा इंजिनियर/ स्पेशलिस्ट, डेटा सायंटिस्ट, डेटा आर्किटेक्ट, क्लाउड आर्किटेक्ट, डिझाइनर, मॉडलर पदासाठी भरती करण्यात येणार आहे. एमएल ऑप्स इंजिनियर, एआय स्पेशलिस्ट, एसईओ स्पेशलिस्ट, ग्राफिक डिझाइनर, व्हिडिओ एडिटर, कंटेट रॉयटर, मार्केट स्पेशलिस्ट, प्रोडक्ट असिस्टंट, टेक्निकल असिस्टंट इंजिनियर पदासाठी ही भरती करण्यात येणार आहे. (Central Bank Recruitment)

विविध पदांसाठी ही भरती करण्यात येणार आहे. त्यामुळे इच्छुक उमेदवारांनी संबंधित क्षेत्रात पदवी किंवा कोर्स केलेला असावा. याबाबत अधिसूचना अधिकृत वेबसाइटवर देण्यात आली आहे. त्यामुळे इच्छुक उमेदवारांनी लवकरात लवकर अर्ज करावेत.

या नोकरीसाठी तुम्हाला कोणतीही परीक्षा द्यावी लागणार आहे. मुलाखतीच्या आधारे तुमची निवड केली जाणार आहे. नोकरीसाठी अर्ज करताना तुम्हाला ७५० रुपये शुल्क भरावे लागणार आहे. तर राखीव प्रवर्गातील उमेदवरांना कोणतेही शुल्क भरावे लागणार नाही.