WHO Chief Warn For Next Pandemic: कोरोनाची साथ अद्याप पूर्णपणे संपलेली नाही. याआधी आणखी एक साथीचा इशारा देण्यात आला आहे. वर्ल्ड हेल्थ ऑर्गनायझेशनचे (WHO) प्रमुख डॉ. ट्रेडोस गेब्रेयसस यांनी इशारा दिली आहे की, जगाने पुढच्या महामारीसाठी तयारी करावी, जी कोविड-19 साथीच्या आजारापेक्षा जास्त घातक असू शकते.

मीडिया रिपोर्ट्सनुसार, डब्ल्यूएचओचे प्रमुख ट्रेडोस गेब्रेयसस म्हणाले की, जगाने कोविडपेक्षाही घातक असलेल्या व्हायरससाठी तयार राहायला हवे.

एनडीटीव्हीच्या वृत्तानुसार, डब्ल्यूएचओच्या प्रमुखांनी 76 व्या जागतिक आरोग्य संमेलनात आपला अहवाल सादर करताना हे सांगितले. ते म्हणाले की, कोरोनामुळे किमान 2 कोटी लोकांचा मृत्यू झाला आहे. अलीकडेच डब्ल्यूएचओने घोषणा केली होती की, कोविड-19 महामारी आता आरोग्य आणीबाणी नाही.  (Latest Marathi News)

टेड्रोस यांनी स्वित्झर्लंडमधील जिनेव्हा येथे आरोग्य परिषदेत सांगितले की, पुढील साथीच्या रोगाला रोखण्यासाठी चर्चा करण्याची वेळ आली आहे. डब्ल्यूएचओ प्रमुखांनी इशारा दिला की, कोरोना अद्याप संपलेला नाही.

टेड्रोस म्हणाले की, ''लवकरच मोठी महामारी येणार आहे. यासाठी आपण आतापासूनच तयार राहायला हवं.'' ते म्हणाले की, ''ही पिढी साथीच्या आजाराला चांगल्या प्रकारे सामोरे गेली आहे. महामारीशी त्यांनी कोणतीही तडजोड केली नाही. कारण लहानसा विषाणू किती भयानक असू शकतो याचा अनुभव या लोकांनी घेतला आहे.'' (Viral Video News)