सचिन गाड
मुंबई आंतरराष्ट्रीय विमानतळावरून आता सापांची तस्करी होत असल्याची धक्कादायक माहिती समोर आली आहे. बँकॉकवरून आलेल्या प्रवाशाकडून ११ परदेशी प्रजातीचे साप (Snake) जप्त करण्यात आले आहेत. बिस्किट आणि केकच्या पाकिटातून या सापांची तस्करी करण्यात आलीये. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
मिळालेल्या अधिक माहितीनुसार, महसूल गुप्तचर संचालनालयाने ही कारवाई केलीये. यात ९ ball pythons (python regius) प्रजातीचे तर २ corn snakes आणि (pantherophis guttatus) प्रजातीचे हे साप असल्याचं समजलंय. परदेशी जातीचे साप असल्याने त्यांना तात्काळ बँककॉकला परत पाठवले जाणार आहे.
मुंबई झोनल युनिटच्या अधिकाऱ्यांनी २० डिसेंबर रोजी बँकॉकहून छत्रपती शिवाजी महाराज आंतरराष्ट्रीय विमानतळ, मुंबई येथे आलेल्या एका व्यक्तीला या प्रकरणी अटक केलीये. सदर प्रवाशाच्या चेक-इन सामानाची तपासणी केल्यावर यात परदेशी प्रजातीचे साप आढळून आले.
विमानातून थेट सापांची तस्करी होत असल्याचे समजल्यावर प्रवाशी आणि नागरिकांमध्ये एकच खळबळ उडालीये. परदेशातून आणलेल्या या सापांची भारतात मोठी किंमत आहे. परदेशात 40$ ते 50$ मध्ये हे साप विकले जातात.
आजवर तस्करीच्या अनेक घटना घडल्या आहेत. विविध अमली पदार्थ, वस्तू यांसह आता प्राण्यांची तस्कारी केली जाते. मात्र आतापर्यंत सापांची अशा पद्धतीने तस्कीरी होणे ही पहिलिच घटना आहे. महसूल गुप्तचर संचालनालयाने कारवाई करत याबाबत अधिक तपास करत असल्याचं म्हटलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.