नवी दिल्ली: जगातील प्रसिध्द मेसेजिंग अ‍ॅप व्हॉट्सअ‍ॅप (WhatsApp) आपल्या वापरकर्त्यांना नेहमी वेगवेगळे फिचस देत असते. आता व्हॉट्सअ‍ॅपने पेमेंट फिचरही सुरु केले आहे. याद्वारे आपण पैसे पाठवू शकतो. आता व्हॉट्सअ‍ॅपवरुन पैसे पाठवल्यास आपल्याला कॅसबॅक मिळू शकतात. व्हॉट्सअ‍ॅपने ही सेवा आता भारतात सुरु करण्याचे नियोजन करत आहे. यासाठी सोशल मीडियावरही चाचपणी सुरु आहे. गुगल पे, पेटीएम आणि फोन पे यासारख्या दिग्गज पेमेंट अ‍ॅप्सशी स्पर्धा करण्यासाठी आता व्हॉट्सअ‍ॅप (WhatsApp) पेमेंटही या प्लॅटफॉर्मवर उतरण्यासाठी सज्ज आहे. (Whatsapp Cashback Offer)

व्हॉट्स पेमेंद्वारे (WhatsApp Pay) १ रुपयाही पाठवला तरिही आपल्याला कॅशबॅक मिळणार आहे. आपण यावरुन कमीत कमी १ रुपया पाठवू शकतो. कॅशबॅक मिळण्यासाठी कोणत्याही अटी घालण्यात आलेल्या नाहीत. पहिल्या तीन व्यवहारांसाठी प्रोत्साहन असणार आहे. व्हॉट्सअ‍ॅपवरुन तुम्ही १ रुपयांपेक्षा कमी पैसे पाठवू शकता. ते पैसे व्यवहारासाठी पात्र असतील.

कॅशबॅकमध्ये एवढे पैसे मिळणार

एका अहवालानुसार, व्हॉट्सअ‍ॅपवरुन (WhatsApp) १ रुपये जरी पाठवले तरीही कॅशबॅक मिळणार आहे. व्यवहारानंतर वापरकर्त्यांना ३३ रुपयांपर्यंत कॅशबॅक मिळणार आहे.

हे देखील पाहा

पैसे कसे पाठवाल?

व्हॉट्सअ‍ॅप पेमेंट (WhatsApp Pay) वरुन पैसे पाठवण्यासाठी तुम्हाला व्हॉट्सअ‍ॅप (WhatsApp) सुरु करावे लागेल, यात तुम्हाला मेसेज टाईप करतो तिथे पैसे पाठवण्याचे चिन्ह दिसेल, त्यावर क्लिक करा. ते सुरु झाल्यानंतर पुढे Add Payment Method हे दिसेल. यावर क्लिक करुन आपले बँक अकाऊंट डिटेल्, भरु शकता. यानंतर तुम्हाला युपीआय चा पर्याय दिसेल. पेमेंट मेथड केल्यानंतर तुम्ही पैसे पाठवू शकता.

Edited By- Santosh Kanmuse