Weather Alert : एकीकडे देशात थंडीचा कडाका वाढत असताना, दुसरीकडे श्रीलंकेच्या किनाऱ्याजवळील दक्षिण-पश्चिम बंगालच्या उपसागरात कमी दाबाचा पट्टा तयार झाला आहे. परिणामी देशातील काही राज्यांमध्ये मुसळधार पाऊस पडत आहे. पावसाबरोबरच काही डोंगराळ भागात बर्फवृष्टी सुद्धा होत आहे. येत्या ४८ तासांत पावसाचा जोर (Rain Alert) अधिकच वाढेल, असा अंदाज हवामान खात्याने वर्तवला.

हवामान अंदाज एजन्सी स्कायमेटच्या मते, आंध्र प्रदेश किनारपट्टी आणि तामिळनाडूमध्ये हलक्या ते मध्यम पावसासह मुसळधार पाऊस (Weather Alert) पडण्याची शक्यता आहे. मुसळधार पावसाच्या इशाऱ्यामुळे तामिळनाडूतील अनेक भागातील शाळा आणि महाविद्यालयांमध्ये शुक्रवारी सुट्टी जाहीर करण्यात आली आहे.

याशिवाय रायलसीमा आणि केरळमध्ये एक किंवा दोन ठिकाणी हलका ते मध्यम पाऊस पडू शकतो. असा अंदाज स्कायमेटने वर्तवला आहे. श्रीलंकेच्या किनारपट्टीजवळून नैऋत्य बंगालच्या उपसागरामध्ये कमी दाबाचे क्षेत्र तयार झाल्यामुळे देशातील काही राज्यांमध्ये पाऊस पडत आहे. (rain news in india today marathi)

दरम्यान, या कमी दाबाचे क्षेत्र तयार झाल्याने देशात थंडाचा कडाटा आणखीच वाढण्याची शक्यता आहे. महाराष्ट्रातही थंडीचा जोर वाढणार आहे. महाराष्ट्रातील अनेक जिल्ह्यांमध्ये पहाटे थंडी पडल्याचे पाहायला मिळतं आहे. पहाटे थंडी तर दुपारी उन्हाचा चटका बसत असल्याचा अनुभव नागरिक घेत आहेत.

काही ठिकाणी ढगाळ वातावरण असलं तरी दुपारी ऊन पडल्यामुळे बदलत्या हवामानाचा अनुभव सर्वजण घेत आहेत. येत्या काही दिवसात थंडी वाढणार असून नागरिकांनी याची आतापासूनच काळजी घ्यावी अशा सूचना हवामान खात्याकडून देण्यात आल्या आहेत.

Edited By - Satish Daud