अफगाणिस्तानवर कब्जा केल्यानंतर तालिबानचा आत्मविश्वास शिगेला पोहोचलाय. लोकांमध्ये स्वतःची दहशत पाहून तालिबान्यांना भलताच आनंद होतोय. अफगाणिस्तानातून दररोज तालिबानच्या कृरतेचे अस्वस्थ करणारे व्हिडीओ समोर येत आहेत. मात्र सध्या तालिबान्यांचा एक आगळा वेगळा व्हिडीओ व्हायरल झालाय. यात तालिबानी एका पार्कमध्ये इलेक्ट्रीक बंपर कारमध्ये आनंद घेतायत. (viral video: talibani's are playing with bumper car in park)

हे देखील पहा -

मॉलमध्ये किंवा पार्कमध्ये लहान मुलांच्या खेळण्यासाठी असलेल्या इलेक्ट्रीक बंपर कारमध्ये आता तालिबानी दहशतवादी बसले आहेत. या इलेक्ट्रीक बंपर कारमध्ये एकमेकांना ठोकर मारत तालिबानी विजयाचा आनंद साजरा करताना दिसतायत. हा व्हिडीओ पाहुन आश्चर्याचा धक्का लागल्याशिवाय राहत नाही. कृर आणि आक्रमक असलेल्या तालिबानी सैनिक लहान मुलांप्रमाणे बंपर कारचा आनंद लुटतायत हे नवलंच आहे. कालच विमानाला लटकलेल्या दोघांचा खाली पडून मृत्यू झाल्याचा व्हिडीओ समोर आला होता. त्यानंतर काबुल विमानतळावरील गोळीबार आणि गोंधळाचा व्हिडीओ समोर आला. हे सर्व अस्वस्थ करणारे व्हिडीओ होते. मात्र या व्हिडिओत तालिबान्यांचं सेलिब्रिशन दिसतंय.

रविवारी १५ ऑगस्ट रोजी तालिबानने अफगाणिस्तानची राजधानी काबुलही ताब्यात घेतली होती. त्यानंतर अफगाणिस्तानचे राष्ट्राध्यक्ष अशरफ गनी यांनी देशातून पलायन केले होते. सध्या काबुलचे विमानताळ ५ हजार अमेरिकन सैनिकांनी ताब्यात घेतले असून अमेरिकन नागरिकांचे रेस्क्यु ऑपरेशन सुरु आहे. भारतानेही आपल्या नागरिकांना सुरक्षित आणण्यासाठी विमानं पाठवली होती.

Edited By - Akshay Baisane