Viral Video: सोशल मीडियावर बंजी जम्पिंगचे अनेक व्हिडीओ तुम्ही पाहिले असतील. बंजी जम्पिंगचा थरार अनुभवण्याची अनेकांची इच्छा असते. तुमच्याही बकेट लिस्टमध्ये बंजी जम्पिंग असेल तर आधी व्हायरल झालेला एक व्हिडीओ पाहा.

बंजी जम्पिंगचे व्हिडीओ पाहताना अनेकांच्या मनात एक गोष्ट नक्की येत असेल, ती म्हणजे ही दोरी तुटली तर. पण खरंच ही दोरी तुटली तर काय होत असेल. असाच एक व्हिडीओ समोर आला आहे, ज्यात शेकडो फूट उंचीवरुन एक महिला उडी घेते आणि दोरीच तुटते. (Latest News)

व्हायरल होत असलेल्या व्हिडीओमध्ये तुम्ही बघू शकता की, एक महिला शेकडो फूट उंचीवरून बंजी जंपिंगची आपली इच्छा पूर्ण करण्यासाठी आली आहे. मात्र पुढे काय होणार आहे याची पुसटशी कल्पना तिला नव्हती. दरम्यान एक माणूस महिलेला उंचीवरून धक्का देतो आणि महिला खाली जाते.

महिला खाली पडत असताना बंजी जंपिंग दोरी तुटून महिला थेट पाण्यात पडली. या अपघातात महिलेला किती दुखापत हे सांगणे कठीण आहे. मात्र पाणी असल्याने तिची जीव वाचण्याची शक्यता आहे. व्हिडीओ पाहिल्यानंतर असा रोमांच अनुभवायचा असल्यास सुरक्षा देखील महत्त्वाची असल्याचे अधोरेखित होत आहे.