Lizard Buddy Viral Video: माणसाची आणि कुत्र्याची, माणसाची आणि घोड्याची, माणसाची आणि अनेक प्राण्याची मैत्री आपण पाहिली असेल. पण, माणसाची आणि सरड्याची मैत्री कधी पाहिली आहे का? खरं तर सरडा हा पाळीव प्राणी म्हणून ओळखला जात नाही. सरड्याला पाहूनच अनेकांच्या अंगावर शहारे येतात. पण विदेशातील एका पठ्ठ्यानं मैत्रिची आणखी एक सीमा पार केली आहे. एक तरुणानं कुत्रा, मांजर तर सोडा त्याने आपल्या घरात थेट सरडाच (Lizard) पाळला आहे. हा तरुण या सरड्यासोबत अगदी मस्त राहतो. शिवाय त्याच्यासोबत अशा काही गोष्टी करतो जे पाहून आश्चर्य वाटल्याशिवाय राहणार नाही. (Pet Lizard And Man Viral Video)

इन्स्टाग्रामवर @lizardthebuddy या यूजरनेमने खाते आहे. या अकाऊंटर एका तरुणाने आपल्या पाळीव सरड्याचे शेकडो व्हिडिओज (Viral Video) अपलोड केलेले आहेत. हे व्हिडिओ पाहणाऱ्याला आश्चर्याचा धक्का बसल्याशिवाय राहणार नाही. तरुणाने आपल्या सरड्यासोबत अनेक गोष्टी केल्या आहेत. जसे, सरड्यासोबत खेळणे, सरड्याला आंघोळ घालणे, सरड्याला जेवण चारणे, सरड्याचे फोटोशूट करणे अशा कितीतरी गोष्टी तो तरुण त्याच्या पाळीव सरड्यासोबत करत असतो, जे आपल्याला असामान्य वाटेल. (Man shares watermelon slice with pet lizard in viral video)

सरड्याला आंघोळ घालताना Video:

सरड्यासोबच कलिंगड खाताना Video

हा तरुण सरड्यासोबत अगदी सामान्यपणे जगतो. अनेकदा तो त्याचे व्हिडिओज शेयर करत असतो. @lizardthebuddy या इन्स्टाग्राम अकाऊंटला पावणे दोन लाखांपेक्षा जास्त लोक फॉलो करतात. तसेच आजपर्यंत म्हणजेच, ११ सप्टेंबर २०२० पर्यंत या अकाऊंटवर सुमारे ५४० फोटोज तसेच व्हिडिओज टाकण्यात आले आहेत. तर कशी वाटली तुम्हाला ही माणसाची आणि सरड्याची मैत्री हे कमेंट करुन नक्की सांगा. तसेच तुम्हालाही सरडा पाळायला आवडेल का हेही सांगा.

ही माहिती आवडल्यास आपल्या मित्रांसोबत नक्की शेयर करा. तसेच आमच्या साम टिव्हीचं अॅप डाऊनलोड करा, फेसबुक पेज लाईक करा, ट्विटरवर आम्हाला फॉलो करा आणि यूट्यूबवर सबस्क्राईब करा. ताज्या बातम्यासाठी आमच्या या https://www.saamtv.com/ वेबसाईटला अवश्य भेट द्या.