प्रेमासाठी काहीपण करणाऱ्या तरुण तरुणींचे किस्से वाचत आलो आहोत, पाहत आलो आहोत. मात्र एका लेडी बॉसने प्रेम करण्याची हद्दच पार केली आहे. कंपनीत काम करणाऱ्या एका तरुणाच्या प्रेमात पडलेल्या लेडी बॉसने चक्क त्याचा घटस्फोट घडवून आणला आहे. धक्कादायक म्हणजे या लेडी बॉसने पत्नीपासून वेगळं होण्यासाठी तरुणाला ₹3.73 कोटी दिले आहे. मात्र एकत्र आल्यानंतर लेडी बॉस आणि तरुणामध्ये भांडण झाल्याने पैसे परत मागण्यासाठी तिने न्यायालयात धाव घेतली आहे. मात्र तिच्या पदरी नैराश्यात आली आहे.

मिळालेल्या माहितीनुसार चीनमधील 'झू' नावाची एक महिला चोंगकिंगमध्ये एक कंपनी चालवत होती. तिच्या कंपनीत 'हे' नावाचा एक तरुण काम करत होता आणि झू त्याच्याकडे आकर्षित झाली. धक्कदायक म्हणजे हे दोघही विवाहबंधनात होते. झू आणि हे यांनी एकमेकांच्या जोडीदाराला घटस्फोट दिला. झू हिने हे च्या बायकोला पोटगी देण्यासाठी ₹3.73 कोटी दिले.

बरेच दिवस झू आणि हे यांच्या नात्यात आलबेल सुरु होते. मात्र काही महिन्यांनंतर झू आणि हे यांच्या नात्यात ताण निर्माण झाला. सततचे वाद होत होते. त्यामुळे या दोघांनी वेगळं होण्याचा निर्णय घेतला. झू आणि हे चा घटस्फोट झाल्यानंतर झू ने हे ला दिलेली ₹3.73 कोटी रक्कम परत मागितली. मात्र हे ने ते देण्यास नकार दिल्याने झू ने न्यायालयात धाव घेतली.

न्यायालयाने सुरुवातीच्या सुनावणीत झू चेन हिच्या बाजूने दिलासा दायक निर्णय दिला. मात्र दुसऱ्या सुनावणीत पुराव्यांच्या अभव्यामुळे न्यायालयाने हे याला पैसे देण्याच्या वादातून मुक्त केले आहे. हा निकाल हे याच्या बाजूने लागला आहे. दरम्यान या प्रेम प्रकरणाची सोशल मिडीयावर चांगलीच चर्चा रंगली आहे.