Haridwar Cancer Patient 5 Year Old Boy Died News Update:

बुधवारी हरिद्वारमघ्ये एक धक्कदायक घटना घडली होती. ५ वर्षीय कॅन्सर पीडित चिमुकल्याचा गंगास्नान करताना मृत्यू झाला होता. यानंतर मुलाचा मृतदेह शवविच्छेदनासाठी पाठवण्यात आले होते. या रिपोर्टमध्ये एक मोठी माहिती समोर आली आहे. यात मुलाचा मृत्यू पाण्यात बुडून नव्हे तर त्याआधीच झाला असल्याचे डॉक्टरांनी सांगितले आहे. (latest News)

मिळालेल्या माहितीनुसार, मुलाला ब्लड कॅन्सर आणि हाडांचा कॅन्सर होता. त्याची तब्येत खूप खालावली होती. त्याच्यावर रुग्णालयाचत उपाचर सुरु होता. तेथे मुलाची प्रकृती खालावल्याची माहिती डॉक्टरांनी दिली. त्यानंतर कुटुंबियांनी त्याला गंगेत स्नान करण्यासाठी नेले होते. गंगेत स्नान केल्याने मुलगा आजारातून बरा होईल, असा त्याच्या कुटुंबियांचा विश्वास होता. त्यामुळे त्यांनी मुलाला गंगेत बुडवून स्नान केले. याचदरम्यान त्याचा मृत्यू झाला.

पोलिसांनी दिलेल्या माहितीनुसार, बुधवारी या संपूर्ण घटनेची माहिती मिळताच पोलिस घटनास्थळी दाखल झाले. त्यानंतर चिमुकल्याला रुग्णालयात दाखल करण्यात आले. त्यावेळी मुलाला मृत घोषित करण्यात आले.

मुलाचा मृतदेह शवविच्छेदनासाठी पाठवण्यात आला. या रिपोर्टमध्ये मुलाचा मृत्यू अॅनिमिया या आजारामुळे झाला असल्याचे समोर आले आहे. मुलाचा मृत्यू पाण्यात बुडून नाही तर त्याआधीच झाला होता. मुलाचा मृत्यू झाला तेव्हा त्याच्या अंगात पाणी नव्हते. त्यावरुन त्याचा मृत्यू आधीच झाल्याचे समोर आले आहे. मुलाचा मृतदेह कुटुंबियांच्या ताब्यात देण्यात आला आहे. याप्रकरणी पोलिस तपास करत आहेत.