उत्तर प्रदेशच्या कानपूरच्या किशोरनगरमधून धक्कादायक घटना समोर आली आहे. लग्न झालेल्या महिलेने पती आणि सासरच्या मंडळीवर गंभीर आरोप करत पोलिसांत तक्रार दाखल केली आहे. महिलेच्या गंभीर आरोपानंतर किशोरनगरमध्ये खळबळ उडाली आहे.

मिळालेल्या माहितीनुसार, तरुणीचं २५ एप्रिल २०२५ रोजी हमीरपूरचे रहिवासी तरुणासोबत लग्न झालं. तरुणीच्या वडिलांनी लग्न, हॉटेल, कॅटरिंग आणि इतर खर्चावर तब्बल ३८ लाख रुपये खर्च केले. मुलगी सुखात राहील, अशी मुलीच्या कुटुंबीयांना अपेक्षा होती.परंतु लग्नानंतर वेगळाच प्रकार समोर आला.

बायकोने आरोप करताना म्हटलं की,'मी लग्नाच्य पहिल्या रात्री नवऱ्याजवळ गेले. परंतु तो टाळू लागला. मी अनेकवेळा प्रयत्न केले. काही दिवसांनंतर पती नपुंसक असल्याचे समोर आलं. माझी फसवणूक झाली आहे'.

पीडित तरुणाच्या आरोपानुसार, तरुणी २६ एप्रिल रोजी सासरी आली. लग्नानंतर चार दिवसांमध्ये नवऱ्याचं वागणे विचित्र वाटले. नवरा तिच्यापासून दूर दूर राहू लागला. त्याने लग्नानंतर रात्र एकत्र घालवली नाही. तरुणीने अनेकदा प्रयत्न केले. परंतु पतीने अनेकदा टाळाटाळ केली.

काही दिवसांनी तरुणी माहेरी आली. काही दिवसांनी नवऱ्याने पत्नीला नोएडामध्ये काकाच्या घरात ठेवलं. तरुणीने पुढे आरोप केला आहे की, 'काकाच्या घरात एक महिना सोबत राहूनही शारीरिक संबंध ठेवले नाहीत. त्याचवेळी नवरा नंपुसक असल्याचे समजले'.

तरुणीने सासरा आणि मोठ्या भावाशी चर्चा केली. त्यावेळी त्यांनी नवऱ्यावर उपचार करण्याचे आश्वासन दिलं. तिला सासरच्या मंडळीने सांगितलं की, 'तुम्ही आताही नवरा-बायकोसारखं राहा. मुलावर उपचार करू. त्याचा संपूर्ण खर्च उचलू'. परंतु तरुणीने यावर आक्षेप घेतला. त्यानंतर सासरच्या मंडळीने धमकी दिल्याचा आरोप तरुणीने केला.