विवाहित तरूणी लग्न करण्यास नकार देत असल्यामुळे तरूणाने टोकाचे पाऊल उचलले. दारूच्या नशेत त्याने अंदाधुंद गोळीबार केला. या गोळीबारात त्या युवकाचा मृत्यू झाला. सुरूवातीला मृत तरूणाच्या कुटुंबाने आत्महत्या नसून हत्या केली असल्याचा संशय व्यक्त केला. मात्र, पोलिसांच्या फॉरेन्सिक तपास आणि कॉल डिटेल्सच्या विश्लेषणातून हे प्रकरण उघडकीस झालं. ही धक्कादायक घटना उत्तर प्रदेशातील बदायूं जिल्ह्यातील कुंवर गावात घडली. या घटनेची माहिती परिसरात पसरताच खळबळ उडाली आहे.

अमित कुमार असे मृत तरूणाचे नाव आहे. ७ जून रोजी अमित आपल्या मित्रांसोबत शेतात दारू पित होता. रात्री १० च्या सुमारास त्याच्या मित्राने कुटुंबीयांना कळवलं की अमितची प्रकृती बिघडली आहे. कुटुंबीयांनी घटनास्थळी पोहोचल्यावर अमित मृतावस्थेत आढळला. त्याच्या उजव्या डोळ्याजवळ गोळी लागलेली होती, मोबाईल फोन त्याच्या पोटावर होता आणि जवळच देशी बनावटीचं पिस्तूल सापडलं.

कॉल डिटेल्सच्या तपासणीत निष्पन्न झालं की अमितने घटनेच्या रात्री एका महिलेला १८ वेळा कॉल केला होता. ती महिला उन्नाव जिल्ह्यातील असून तिच्या म्हणण्यानुसार, अमितने व्हिडिओ कॉलवर लग्नासाठी दबाव आणला होता. तिने नकार दिल्यावर अमितने हवेत गोळी झाडली आणि नंतर स्वतःवर गोळी झाडून आत्महत्या केली.

महिलेच्या म्हणण्यानुसार, तिने मेहुण्याच्या नावाने फेक अकाऊंट तयार केलं होतं. त्या फेक अकाऊंटवरून ती अमितसोबत चॅट करत होती. यादरम्यान त्यांची ओळख वाढली. दोघांमध्ये रोज चॅटिंग सुरू होतं. अमित नेहमी अश्लील बोलायचा. न्यूड फोटो आणि व्हिडिओची मागणी करायचा, पिस्तूल दाखवायचा अशी माहिती महिलेनं दिली. याच गोष्टीला कंटाळून तिने त्याच्या लग्नाच्या प्रस्तावाला नकार दिला.

महिलेनं नकार दिल्यानंतर संतापून अमित नेहमी तिला आत्महत्येची धमकी दिली. यानंतर त्याने दारूच्या नशेत स्वत:ला संपवलं. पोलिसांनी घटनास्थळावरून गोळ्या, काडतुसे, मोबाईल आणि पिस्तूल जप्त केलं आहे. वरिष्ठ पोलीस अधीक्षक डॉ. ब्रजेश सिंह यांनी सांगितले की, फॉरेन्सिक अहवालानंतर संपूर्ण परिस्थिती स्पष्ट होईल. पिस्तुलावरचे बोटांचे ठसे आणि इतर वैज्ञानिक पुरावे तपासले जात आहेत.