लोकसभा निवडणुकीपूर्वी समाजवादी पक्षाने उमेदवारांची दुसरी यादी जाहीर केली आहे. जागावाटपाबाबत काँग्रेससोबत सुरू असलेल्या चर्चेदरम्यान जाहीर करण्यात आलेल्या या यादीत 11 उमेदवारांची नावे जाहीर करण्यात आली आहेत. सपाच्या या यादीत अनेक जुने चेहरे आहेत, ज्यांना सपाने पुन्हा एकदा लोकसभा निवडणूक लढवण्याची संधी दिली आहे.
अखिलेश यादव यांनी मुख्तार अन्सारी यांचे बंधू अफजल अन्सारी यांना गाझीपूर लोकसभा मतदारसंघातून तिकीट दिले आहे. तर मुझफ्फरनगरमधून हरेंद्र मलिक, आमलामधून नीरज मौर्य, शाहजहांपूरमधून राजेश कश्यप, हरदोईमधून उषा वर्मा, मिस्रिख रामपाल राजवंशी, मोहनलालगंजमधून आरके चौधरी, प्रतापगढमधून डॉ.एस.पी.सिंग पटेल, बहराइचमधून रमेश गौतम, गोंडातून श्रेया वर्मा, चंदोईमधून चंदवाले यांचा समावेश आहे. वीरेंद्र सिंह यांना सपाचे उमेदवार बनवण्यात आले आहे. काँग्रेससोबत युती केल्यानंतर अखिलेश यादव यांनी उत्तर प्रदेशात 65 जागांवर निवडणूक लढवण्याची घोषणा केली होती. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
त्यावेळी सपाने आरएलडीला सात जागा दिल्या होत्या. तर काँग्रेसला 11 जागा देण्याचा प्रस्ताव होता. मात्र, आता जयंत चौधरी सपा सोडून एनडीएमध्ये दाखल झाले आहेत. सपापासून आरएलडी वेगळे झाल्यानंतर काँग्रेसने सपावर जागांसाठी दबाव वाढवला आहे. काँग्रेस आता यूपीमध्ये 20 जागांवर निवडणूक लढवण्यासाठी सपावर दबाव आणत आहे, अशी माहिती सूत्रांनी दिली आहे. (Latest Marathi News)
असं असलं तरी सपा आणि काँग्रेसमधील जागांबाबतचा संभ्रम अद्याप दूर झालेला नाही. उत्तर प्रदेशात ज्या 20 जागांवर काँग्रेसला निवडणूक लढवायची आहे. त्यामध्ये सपाने अनेक जागांवर उमेदवारांची नावे आधीच जाहीर केली आहेत. अशा परिस्थितीत काँग्रेस आणि सपा यांच्यातील जागावाटपाचा प्रश्न अद्याप सुटलेला नाही.
दरम्यान, याआधी समाजवादी पक्षाने 30 जानेवारी रोजी 16 उमेदवारांची पहिली यादी जाहीर केली होती. सपाने आता दुसऱ्या यादीत 11 उमेदवारांची नावे जाहीर केली आहेत. सपाच्या पहिल्या यादीत पत्नी डिंपल यादव, चुलत भाऊ धर्मेंद्र यादव आणि अक्षय यादव यांची नावे जाहीर करण्यात आली. सपाने संभलमधून शफीकुर रहमान बुर्के, फिरोजाबादमधून अक्षय यादव, मैनपुरीमधून डिंपल यादव, एटामधून देवेश शाक्य, बदायूंमधून धर्मेंद्र यादव, खेरीतून उत्कर्ष वर्मा, धौराहरामधून आनंद भदौरिया, उन्नावमधून अनु टंडन, रविदास मेहरो, रविदास मेहरो यांना उमेदवारी दिली आहे.
फारुखाबादमधून किशोर शाक्य, अकबरपूरमधून राजाराम पाल, बांदामधून शिवशंकर सिंग पटेल, फैजाबादमधून अवधेश प्रसाद, आंबेडकर नगरमधून लालजी वर्मा, बस्तीमधून रामप्रसाद चौधरी, गोरखपूरमधून काजल निषाद यांना तिकीट देण्यात आले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.